sensory ZERO (One Island South ) (Closed)

sensory即係由挑選食物、到製作食物時都有嚴格嘅要求及執著，為客人提供高質素嘅食物zero即係簡約，由零開始想嚟好耐，終於人日嘅早上嚟試。同位連卡佛傢具店融為一體。一行入嚟，嘩咁多高科技咖啡機、烘焙機、磨豆機嘅！原來正正就係呢啲高科技機器為呢度嘅咖啡帶嚟不同層次嘅味覺衝擊！呢度所有嘅咖啡烘焙機、餐具等都可以買返去㗎！呢度樓底極高，就算放滿唔同style嘅型格檯櫈，例如有充滿校園feel嘅傢具，空間感都非常大，唔會感覺焗促！Chicken grilled baguette ($55)平時好怕食baguette因為好硬，落單時要求個包唔好焗得太硬，的確無令我失望!個包軟綿綿，口感其實似Focaccia多啲；包住一大塊用橙醃過嘅雞扒，醃得好入味，每一口都有淡淡嘅橙味，肉汁又啱啱好鎖住咗，一咬開就必晒出嚟，非常惹味；仲有一塊新鮮番茄，番茄汁加上橙汁雞汁，幾重口感加埋一齊，滋味十足Ginger MochaMocha飲得多，加埋薑會點？佢嘅薑唔係薑粉，而係一粒粒薑粒！薑味厚重又辛辣，正好中和咗Mocha嘅甜，要試！欣賞呢度會追求色材，嘅本質同味道，所有食物飲品都唔會用糖份添加劑或人造色素。