Video
Read full review
2009-02-15
61 views
呢個係我送俾男朋友既情人節禮物*9號係Godiva訂的, 白朱古力心心牌上面寫左我同佢既英文名=)睇左幾間心水牌子朱古力既情人節朱古力,而今年Godiva既情人節禮盒係好普通, 見到有呢個寫名服務,其他貴牌子即刻不作考慮, 哈哈14號去拎, 有d失望, 雖然個名寫得幾靚,但粒士多啤梨好樣衰, 唔鮮紅色而且好多白色, d葉仲好殘好多黑點無辦法了, 當然無得換, 唯有希望男朋友鐘意``享用完HD雪糕之後拆開一人食一粒,男朋友口快快講左一句: "哇 乜粒士多啤梨咁樣衰既"我係勁唔開心: "喂我都唔知會咁架...唔通我走去監督佢用咩士多啤梨咩..."食落係更失望!!!白朱古力牌: 好硬;Dark chocolate coating: 好濃好好味, 但唔算滑;士多啤梨: 係超酸!!! 男朋友酸到翁口翁鼻...><士多啤梨酸, 我個心仲酸=.=買左份男朋友唔多鐘意的禮物男朋友也太可惡了...樣衰都唔好講出聲嘛 !!!唉, 賣$40一粒, 點可以用d咁差既士多啤梨!!??以前去Godiva買過一次俾媽咪, 自己即埸揀粒最靚既, 印象中係好香甜的,估唔到, 當有大量訂單時, 士多啤梨會
呢個係我送俾男朋友既情人節禮物*
9號係Godiva訂的, 白朱古力心心牌上面寫左我同佢既英文名=)
睇左幾間心水牌子朱古力既情人節朱古力,
而今年Godiva既情人節禮盒係好普通, 見到有呢個寫名服務,
其他貴牌子即刻不作考慮, 哈哈
14號去拎, 有d失望, 雖然個名寫得幾靚,
但粒士多啤梨好樣衰, 唔鮮紅色而且好多白色, d葉仲好殘好多黑點
無辦法了, 當然無得換, 唯有希望男朋友鐘意``
享用完HD雪糕之後拆開一人食一粒,
男朋友口快快講左一句: "哇 乜粒士多啤梨咁樣衰既"
我係勁唔開心: "喂我都唔知會咁架...唔通我走去監督佢用咩士多啤梨咩..."
食落係更失望!!!
白朱古力牌: 好硬;
Dark chocolate coating: 好濃好好味, 但唔算滑;
士多啤梨: 係超酸!!! 男朋友酸到翁口翁鼻...><
士多啤梨酸, 我個心仲酸=.=買左份男朋友唔多鐘意的禮物
男朋友也太可惡了...樣衰都唔好講出聲嘛 !!!
唉, 賣$40一粒, 點可以用d咁差既士多啤梨!!??
以前去Godiva買過一次俾媽咪, 自己即埸揀粒最靚既, 印象中係好香甜的,
估唔到, 當有大量訂單時, 士多啤梨會用次貨, 可能係我果粒特別差?
早知自己去citysuper買盒long stem士多啤梨自己沾朱古力醬....
好吧, 呢個係懶人既教訓...下年都係自己整啦哈哈
名牌都唔一定質素好的.
實在太唔開心, 一定要俾喊臉!! 喊臉係for粒士多啤梨同埋超硬白朱古力牌,
唔代表我放棄再食Godiva的朱古力啊,
我還是很愛佢既Dark chocolate Raspberry pearls
Post
