Video
Read full review
2024-02-20
2453 views
自從食完聯和墟雅士餐廳之後，就一直都想試埋喺北區同樣有歷史背景嘅上水畢打奧餐廳😃。雖然去上水唔遠，但又唔想特登去食個飯就走，所以遲遲未有實現😆。點知最近去聯和墟食飯，比我見到畢打奧居然喺度開左分店，仲要喺正雅士對面，有少少打對台Feel!!😏2月14號平日星期三，約埋爸爸一齊去鋸扒🤓 我地上午11點半到達，唔駛等位可以直入。下午1點門外已經好多人等位，再對比下對面雅士門外只有幾個人等位😆，估計過多幾個月就會見真章，到底大家係中意試新野抑或真心覺得畢打奧好味架啦。😏當日午市有兩款原價$119嘅套餐做特價，分別係鐵板美式什扒$99、新西蘭西冷牛扒$99另外叫左畢打奧焗豬扒飯$89同埋寓意橫財就手嘅燒德國豬手$129，每個套餐都包餐包、餐湯、同熱飲。餐包拎上手暖暖地，望落有黑芝麻，但食落無芝麻香。餐湯要左羅宋湯，同埋加左$29轉酥皮龍蝦湯，前者唔辣偏酸，每碗湯都有好多蔬菜；後者酥皮酥脆但唔係我中意嘅牛油酥皮，龍蝦湯蝦味濃但有少少澀，內裡有幾隻蝦仁。新西蘭西冷牛扒配薯蓉$99份量望落唔多，但牛扒比雅士厚身；雖然有筋，不過整體肉質唔錯，牛味一般但有肉香。薯蓉好有薯香，食唔太出牛油或忌廉味，感覺油
點知最近去聯和墟食飯，比我見到畢打奧居然喺度開左分店，仲要喺正雅士對面，有少少打對台Feel!!😏
2月14號平日星期三，約埋爸爸一齊去鋸扒🤓 我地上午11點半到達，唔駛等位可以直入。下午1點門外已經好多人等位，再對比下對面雅士門外只有幾個人等位😆，估計過多幾個月就會見真章，到底大家係中意試新野抑或真心覺得畢打奧好味架啦。😏
當日午市有兩款原價$119嘅套餐做特價，分別係鐵板美式什扒$99、新西蘭西冷牛扒$99
另外叫左畢打奧焗豬扒飯$89同埋寓意橫財就手嘅燒德國豬手$129，每個套餐都包餐包、餐湯、同熱飲。
餐包拎上手暖暖地，望落有黑芝麻，但食落無芝麻香。
羅宋湯
79 views
0 likes
0 comments
餐湯要左羅宋湯，同埋加左$29轉酥皮龍蝦湯，前者唔辣偏酸，每碗湯都有好多蔬菜；
酥皮龍蝦湯
$29
193 views
1 likes
0 comments
後者酥皮酥脆但唔係我中意嘅牛油酥皮，龍蝦湯蝦味濃但有少少澀，內裡有幾隻蝦仁。
新西蘭西冷牛扒配薯蓉$99
新西蘭西冷牛扒配薯蓉
$99
72 views
0 likes
0 comments
新西蘭西冷牛扒配薯蓉
$99
97 views
0 likes
0 comments
份量望落唔多，但牛扒比雅士厚身；雖然有筋，不過整體肉質唔錯，牛味一般但有肉香。薯蓉好有薯香，食唔太出牛油或忌廉味，感覺油分唔多，較健康。
畢打奧焗豬扒飯$89
畢打奧焗豬扒飯
$89
307 views
0 likes
0 comments
好傳統嘅焗飯，唔會加芝士。茄汁偏甜；飯粒望落似白飯底，但其實細心望會留意到有蛋絲，但真係無乜存在感；豬扒係吉列豬，如果怕熱氣嘅人要留意；豬扒係用新鮮豬，所以食落肉質偏實，亦比較鞋，但感覺健康D。
燒德國豬手$129+$9配薯條
燒德國豬手$129+$9配薯條
65 views
0 likes
0 comments
燒德國豬手$129+$9配薯條
36 views
0 likes
0 comments
豬手炸到好脆，食落膠質好重、好黏口，可惜肉質太軟淋，有少少湯渣Feel。
鐵板美式什扒$99+$9配薯條
鐵板美式什扒$99+$9配薯條
49 views
0 likes
0 comments
什扒有豬牛雞、腸仔同煙肉；最好食係雞扒，夠濕潤；牛扒好薄、豬扒實正。由於職員比錯左薯蓉，所以後來補番個炸薯條比我地。
整體環境唔錯，不過職員比較生手，當日有跌碟嘅情況出現，亦上錯薯蓉；特價套餐幾抵食，四個餐連加一共$541，可用信用卡付款。
Post
