Green Orange

揀呢間餐廳因為見到網上評價好高，加上喺我公司附近，上環地鐵站一出3分鐘左右就到，我哋點完菜之後最驚喜係，可以用一蚊換一隻生蠔，實在太誇張，半打都係$6 ，仲要好大隻，勁鮮甜好有海水味，好正！之後我哋點咗個煎帶子沙律，帶子同樣鮮甜彈牙，而且份量好多，醬汁酸酸甜甜好開胃。餐湯點左南瓜湯，我最鍾意佢夠Creamy而且好香南瓜味，甜甜地非常好味。主菜我哋叫咗紅蝦海膽醬意粉，煎紅蝦比普通海蝦特別大隻而且有鮮味，海膽醬好濃郁意粉硬度剛剛好。另外點咗西班牙豬安，份量十足，切開見到煎得剛剛好，有少少粉嫩，所以食入口唔會好硬，絕對高質。我最期待嘅當然係我悉心安排嘅甜品，唔係普通心太軟，主角係呢隻甜品碟，見到個刻真係心心眼，因為畫得真係好似，有我最鍾意嘅麵包超人陪我過情人節，真係特別sweet呢。