Plato (Moved) New Location

1點吃完lunch,之後做到9點先收工，超肚餓。收工同男朋友去公司附近餐廳。地點算方便，唔難搵。超肚餓，拿拿聲點野食，見到2人套餐$398不連加一，價錢ok，就落左單。是日餐湯—煙肉薯仔忌廉湯味道適中，湯裡有少少煙肉碎同薯蓉,好creamy！英式炸魷魚圈新鮮即炸，魷魚好新鮮，炸粉適中，點沙律醬，好香口。法國牛肝菌帆立貝忌廉汁意大利粉一碟夠2個人食，帆立貝好新鮮，冇臭腥味，軟硬適中，牛肝菌炒得好香，而且汁多，意粉口感剛剛好，整體上唔錯。英式安格斯西冷牛扒牛扒好juicy,唔會好鞋，賣相不錯，仲有沙律、薯仔。薯仔好好吃，連薯皮吃好有薯仔味，一試難忘。