魔衣櫥咖啡廳 (Closed)

之前上網睇到呢間店，已經知道裝修好靚，所以想同另一半試下d有情調氣氛的西餐廳。去到真係無令人失望，裝修好靚，女友見到勁開心，係咁影相。黑松露蘑菇意大利飯係推介之選，佢係做到正宗同符合香港人口味中取得完美平衡。平時意大利飯正宗係有粒飯芯，唔慣的人係覺得未熟，但其實意大利人就係要食呢種口感，佢煮得煙un得黎又唔會好似生米感覺。又落足料，超多蘑菇，好好食。澳洲肉眼係用慢烤方式製成，點解我會知，係待應會主動走黎，介紹菜式，勁似高級西餐廳。12安士，啖啖肉，性價比高。女朋友成餐飯都心心眼，係咁叫我幫佢影相，打卡。好滿意係咁讚我好浪漫，帶佢去咁浪漫的餐廳。但其實埋單都唔算好貴，呢餐飯抵比啦。