School Food Blooming Mari (新都城中心) (Closed)

以前媽媽係Time Square返工，有時我特意去Time Square等媽媽收工，之後一齊食晚飯🥰，其中食得最多既餐廳就係School Food，餐廳既卷物同芝士年糕係我最鍾意嘅兩款食物。今日同女友係寶琳重遇School Food。雖然今非昔比，不過最後決定食School Food懷念一下。寶琳分店既School Food以外賣為主，所以餐廳堂食嘅位置比較少，大約五至六枱左右。- 飯卷套餐飯卷方面可以選擇兩款味道，我地揀左吉列脆蝦同韓式烤豬肉。前者既吉烈蝦好脆口，後者豬肉調味啱啱好，整體飯粒分明，口感煙韌，唔會變成糊狀。另外仲附送咗一個魚糕湯，魚糕令我諗起韓國旅行時食街頭小食既溫暖時刻，不過嗰湯既味道太鹹🤣- 年糕套餐廚師卡邦尼年糕入面除咗年糕仲有粉絲，卡邦尼質感較稀，只有粉絲比較掛汁，入面仲有啲煙肉碎。至於炸紫菜卷出奇地好食😝School Food係我心中嘅地位依然未有改變，情懷未變。