Home Bar & Restaurant

Open Now

Now Closed

今日去左home bar食晚餐，加杯cocktail，chill左成晚，迎接美好的聽日假期。呢間bar真係好有feel。一入去，餐廳播住浪漫既音樂，加上餐廳既設計，氣氛真係一流！約會最佳之選。叫左個火腿蜜瓜食。好正呀，有六塊蜜瓜同火腿。鐘意溝埋橄欖油一齊食，個味道特別香，又有少少甜同鹹，好惹味。之後黎左個餐湯，辣辣地幾開胃。法式麵包加埋餐湯一齊食，個蒜茸味好香，口感脆，好食。之後主角終於黎左啦，叫左個焗法式羊架。羊架上面有好多麵包康。好香脆。我鐘意羊架果陣少少的騷味，加埋薄荷醬一齊食，口感清新。羊架叫左係五成熟，所以羊肉好鬆軟，個口感真係超滑。雖然有三種醬汁點，但本人比較鐘意羊架點薄荷醬同芥末，自己唔係咁鐘意燒汁，不過燒汁都整得幾好味。之後再黎左個tiramisu。蛋糕質感真係好滑，加埋側邊既忌廉，個口感好鬆軟又香滑。今日真係食到超開心。之後因為就快過happy hour，即刻叫左個mojito黎飲。好靚，飲落口好大陣薄荷味，又有陣青檸既酸味，正呀！好開胃！就咁坐下吹下水都已經好夜啦，間餐廳既氣氛真係好舒服，好適合吹水約會！下次再黎！