Video
Read full review
2009-02-25
66 views
前日(23-2-09Mon)上晝原本心情好好,又見到呢間想試好耐o既卡巴,諗住放工同男友開開心心咁o黎食,點知之後接連受到兩個消息,令我好灰同情緒低落,攪到唔知點好,最後都係決定同男友o黎試吓.大約近7點o黎到,都有幾枱客,我o地拿拿林入去坐o係一張有三張枱o既兩人枱.收銀隨即遞上menu我o地睇,由於最主要想食卡巴,所以唔叫set dinner,我叫o左:4. $20.00o既芒果奶昔等o左陣,呢個先到,我飲吓先,嘩!好濃芒果味,我飲到咀都歪埋,男友試吓,佢話好濃芒果味,正正係芒果雪糕o既味道.啊,又係喎,但如果係奶昔,就好似差o左啲,因為太濃太杰.5. $18.00o既鹹奶昔呢個係有冒險精神o既男友飲o既,佢飲o左一啖話好特別,但我應該接受唔到.我試吓,哈,真係怪怪地.男友話或者食o左下列一大埋食物後,飲呢個會同夾啲.但我試過,都係接受唔到.2. $56.00o既希臘串燒雞沙律之後,呢個先到,雞肉片係熱o既,有兩種汁o係面,同一啲類似芝士o既磚o係碟o既四角,啲汁清清地,但帶少少芥辣味,OK.而芝士磚可以夾埋新鮮o既青瓜,菜同車厘茄o黎食,而雞肉好原味,OK.1.$56.00o既羊
大約近7點o黎到,都有幾枱客,我o地拿拿林入去坐o係一張有三張枱o既兩人枱.收銀隨即遞上menu我o地睇,由於最主要想食卡巴,所以唔叫set dinner,我叫o左:
4. $20.00o既芒果奶昔
等o左陣,呢個先到,我飲吓先,嘩!好濃芒果味,我飲到咀都歪埋,男友試吓,佢話好濃芒果味,正正係芒果雪糕o既味道.啊,又係喎,但如果係奶昔,就好似差o左啲,因為太濃太杰.
5. $18.00o既鹹奶昔
呢個係有冒險精神o既男友飲o既,佢飲o左一啖話好特別,但我應該接受唔到.我試吓,哈,真係怪怪地.男友話或者食o左下列一大埋食物後,飲呢個會同夾啲.但我試過,都係接受唔到.
2. $56.00o既希臘串燒雞沙律
之後,呢個先到,雞肉片係熱o既,有兩種汁o係面,同一啲類似芝士o既磚o係碟o既四角,啲汁清清地,但帶少少芥辣味,OK.而芝士磚可以夾埋新鮮o既青瓜,菜同車厘茄o黎食,而雞肉好原味,OK.
1.$56.00o既羊肉卡巴(唔辣)
食食吓,呢個都到o黎,好熱,但幸有鍚紙包住保溫,所以我o地打算食完沙律至食佢.點知中途,連芝士薯條都到o黎,薯條冇o野蓋住,所以又趁熱,先試幾條薯條至食呢 個. 好喇,食食吓薯條返o黎食喇.
食落,羊肉完全冇羶味而且有好多,食極都食唔完,裡面唔多醬,卻仍有好多油滴落o黎.卡巴皮好乾.呢個可以話係食原汁原味o既羊肉.
3. $45.00o既芝士薯條(唔辣)
先趁熱食呢個,同樣地有青色o既汁o係面,拎到埋o黎時嗅到好香薯條味,勁過愛爾蘭瘋薯.呢個又大大碟,又係食極都食唔完.雖然有醬汁同大量芝士(o係底),但味道仍唔太濃,最後我食到唔想食,要男友清埋.
樣樣食物份量都好多,真係飽到上心口.
服務:
冇問題,好有禮貌.
環境:
面積唔係好大,幸好我o地早到,坐到叫做闊落同舒適o既位,但如果同三個朋友一齊o黎,都坐得幾迫吓.
衛生:
好乾淨企理.
呢餐埋單$195.00
Post
