Chalet (Closed)

朋友帶我嚟呢間西餐廳，環境好靚，真係好似去咗外國嘅小木屋咁樣，幾有情調。帝王蟹餅配蛋黃芥茉醬$98蟹餅一上枱已經香噴噴，聞到好香嘅蟹味，賣相又精緻。一切開不得了，係我食過最真材實料嘅蟹餅，外面煎得金黃焦香，裏面就真係一絲絲嘅蟹肉整成嘅蟹肉餅，唔會好似坊間咁溝啲粉或者薯蓉落去，食落真係啖啖蟹肉鮮味，配上蛋黃芥茉漿，味道恰到好處。白酒忌廉煮青口配麵包脆片$128藍青口配上白酒忌廉好creamy，味道鮮甜討好。用伴碟嘅麵包沾上醬汁，麵包外層脆脆，裏面嘅麵包有韌性，麵粉味好香，配上忌廉汁真係好好味，醬汁食到一滴都冇得剩。燒原隻波士頓龍蝦配果仁香茅茄蓉天使麵$298原隻波士頓龍蝦好吸引，龍蝦啖啖肉之外，仲有好多甘香蝦膏，蝦鉗仲已經拆肉，食得好方便。天使麵軟硬適中，唔會過於淋，配上嘅茄蓉醬汁味道非常好，加咗啲香茅令到味道更加豐富特別，天使麵上面灑上咗果仁碎，食嘅時候更加香口，脆脆的口感豐富。蘋果金寶配雲呢拿雪糕 $68最後甜品亦都冇令我哋失望，上枱用玻璃罩罩住，店員慢慢將玻璃罩打開，有煙霧嘅效果，充滿仙氣。賣相好精緻，味道有微微嘅煙熏香味，肉桂蘋果嘅香味充足，配上冰凍嘅雲呢拿雪糕，一冷一熱，口感好