Video
Read full review
2024-11-02
2441 views
餐前麵包:店員先送上三款唔同既麵包，仲有士多啤梨果醬同牛油。個人覺得就咁食唔洗點醬都夠哂好食。最難得既係香港好多西餐廳既餐前麵包都冇放係保溫爐，所以食果陣好乾身，但呢間食既時候仲係暖笠笠，入面都有麵包應有既鬆軟。自家製豬手凍沙律伴話梅芥末汁 : 話梅芥末汁第一次試，但好有驚喜！話梅芥末汁酸味幾突出，同豬手既咸香味好夾，食落感覺好清爽👍🏻沙律菜都新鮮爽脆。豬手有三大塊，前菜黎講份量十分足夠。加拿大豬鞍扒10oz:平時都成日食牛扒，今次試下豬鞍扒，切落去已經見到入面好粉嫩，用刀輕壓仲有滿滿既肉汁。豬扒外脆內軟、燒汁味唔會太濃，更容易食到香濃而不騷既豬肉味。配菜都有好多，都烤得好香，咬落去juicy。牛肝菌露筍意大利飯: 芝士同牛肝菌又係一個冇得輸既組合！牛肝菌既味好濃好突出，意大利飯都好Creamy，每一啖都好滿足。朱古力香蕉金寶:鐘意香蕉同朱古力既人一定唔可以錯過，本身兩者都好夾，加埋金寶焗到微脆，為呢餐飯寫上完美的結局。第一次體驗意大利西餐廳黎講呢間絕對比到一個令我哋滿足既體驗！
餐前麵包:
店員先送上三款唔同既麵包，仲有士多啤梨果醬同牛油。個人覺得就咁食唔洗點醬都夠哂好食。最難得既係香港好多西餐廳既餐前麵包都冇放係保溫爐，所以食果陣好乾身，但呢間食既時候仲係暖笠笠，入面都有麵包應有既鬆軟。
自家製豬手凍沙律伴話梅芥末汁 :
話梅芥末汁第一次試，但好有驚喜！
話梅芥末汁酸味幾突出，同豬手既咸香味好夾，食落感覺好清爽👍🏻
沙律菜都新鮮爽脆。
豬手有三大塊，前菜黎講份量十分足夠。
加拿大豬鞍扒10oz:
平時都成日食牛扒，今次試下豬鞍扒，切落去已經見到入面好粉嫩，用刀輕壓仲有滿滿既肉汁。
豬扒外脆內軟、燒汁味唔會太濃，更容易食到香濃而不騷既豬肉味。
配菜都有好多，都烤得好香，咬落去juicy。
牛肝菌露筍意大利飯:
芝士同牛肝菌又係一個冇得輸既組合！
牛肝菌既味好濃好突出，意大利飯都好Creamy，每一啖都好滿足。
朱古力香蕉金寶:
鐘意香蕉同朱古力既人一定唔可以錯過，本身兩者都好夾，加埋金寶焗到微脆，為呢餐飯寫上完美的結局。
第一次體驗意大利西餐廳黎講呢間絕對比到一個令我哋滿足既體驗！
Post
