Video
Read full review
2023-04-23
164 views
西環尾呢間 Antonio 餐廳外面睇已好有歐陸風情入到去既皮梳化/傳統嘅紅白格仔檯布/一整幅牆嘅黑白照，入面有好幾個連我都認識嘅名人，好似走左入一個歐洲屋企咁餐廳仲有雜貨區，入面有沙甸魚罐頭、薯片等嚟自葡萄牙嘅特產我地去嗰日仲有 Live music，成個氛圍都好舒服📣餐廳24/4 仲有個 Fado Night Concert，等你邊食邊 enjoy葡萄牙最傳統既表演，$720/pax 3 course +house red/white （睇返佢地會不定時搞 大家有興趣可以留意下）📍Flamed Chorizo係一款葡萄牙嘅小食，差唔多每檯都會叫，大廚會即席點燃白蘭地用嚟燒辣香腸，燒嘅時候會聞到有酒香同埋腸嘅焦香，同埋腸中肥肉所散發嘅油香，令人未食都流哂口水。食嘅時候係會配埋法包，加埋橄欖油一齊食，可以中和腸嘅味道，亦能令口感更多變化。📍Half Piri-piri chicken 呢度嘅雞即叫即焗所以需要等一陣，上檯都經已聞到好香，入面有兩大件雞、飯、薯條同埋沙律。雞肉用咗Piri Piri Sauce醃製同調味。呢款醬汁係葡式嘅辣醬，入面有紅椒、白酒、大蒜等配料，味道唔算辣但有好
西環尾呢間 Antonio 餐廳外面睇已好有歐陸風情
入到去既皮梳化/傳統嘅紅白格仔檯布/一整幅牆嘅黑白照，入面有好幾個連我都認識嘅名人，好似走左入一個歐洲屋企咁
餐廳仲有雜貨區，入面有沙甸魚罐頭、薯片等嚟自葡萄牙嘅特產
我地去嗰日仲有 Live music，成個氛圍都好舒服
📣餐廳24/4 仲有個 Fado Night Concert，等你邊食邊 enjoy葡萄牙最傳統既表演，$720/pax 3 course +house red/white （睇返佢地會不定時搞 大家有興趣可以留意下）
flamed chorizo
4 views
0 likes
0 comments
flamed chorizo
5 views
0 likes
0 comments
📍Flamed Chorizo
係一款葡萄牙嘅小食，差唔多每檯都會叫，大廚會即席點燃白蘭地用嚟燒辣香腸，燒嘅時候會聞到有酒香同埋腸嘅焦香，同埋腸中肥肉所散發嘅油香，令人未食都流哂口水。食嘅時候係會配埋法包，加埋橄欖油一齊食，可以中和腸嘅味道，亦能令口感更多變化。
piri piri chicken
6 views
0 likes
0 comments
📍Half Piri-piri chicken
呢度嘅雞即叫即焗所以需要等一陣，上檯都經已聞到好香，入面有兩大件雞、飯、薯條同埋沙律。雞肉用咗Piri Piri Sauce醃製同調味。呢款醬汁係葡式嘅辣醬，入面有紅椒、白酒、大蒜等配料，味道唔算辣但有好濃郁嘅香味，雞肉經過燒製都仍能保持嫩滑嘅肉質，有滿滿嘅肉汁，用嚟配飯、薯條、沙律一齊食都好啱。
Carne de Porco à Alentejana
2 views
0 likes
0 comments
📍Carne de Porco à Alentejana
係一道好傳統嘅葡萄牙菜，老闆娘講到就算係澳門都未必食到，由豬肉、蜆同埋薯仔所燉煮的菜。豬肉嘅肉味濃郁，蜆夠晒鮮甜無沙，薯仔輕輕油炸過食落會有啲香脆嘅口感。入面嘅豬肉、蜆同薯仔都經已煮得好入味，佢哋嘅醬汁好香好濃郁，有白酒、大蒜、月桂葉等香味，好啱用嚟拌飯同蘸麵包。呢道菜嘅份量超大一份!!宛完全夠 2 至 3 人share
📍Portuguese Creme Brulee
呢個同法式好唔同，除咗都有好香脆嘅焦糖表面，但呢個仲有好香濃嘅肉桂香味，同埋入面嘅蛋都好與別不同，口感係非常Creamy，仲有好濃郁嘅蛋味，甜度剛剛好。
#大口在西環#西環美食#打卡餐廳#打卡美食#西環葡國菜
#topcitybiteshk#hkfoodie#hongkongfood#hongkonger#hkrestaurant#hkfood#hkig#like4like#followme#photooftheday#foodoftheday#ufoodphoto
Post
