正宗上海生煎皇 (Closed)

星期五又係做完義工，之前食完日本野之後，行過見到有一間上海野。自從去完上海，之後就對上海美食情有獨鐘，即使我食左好野，點都要試下呢間。生煎包好似係呢度嘅招牌菜，叫左四個生煎包同朋友一齊開心share，喺枱上面仲有一張點樣食生煎包既instruction，朋友冇睇一下就咬咗落去，滾燙肉汁辣親佢條脷，其實只要咬開上面既包，輕輕吹下佢，等佢稍為冷卻之後先慢慢品嚐，好滋味。雞絲粉皮份量略為少咗啲，但品質上都係唔錯嘅，粉皮夠彈牙唔會淋埋一pat pat 咁，都有唔少雞絲係入面，混埋個醬十分開胃，好岩我食飽飽冇咩胃口個時食。