Lava Java 咖啡西餐廳 (Closed)

難得的早收工，而且在觀塘，想搵個地方坐低嘆杯靚茶。經過王子大廈，記得上面有間唔錯的Cafe。終於我哋上到Cafe，依然係咁靚咁有格調，店內洋溢着一種輕鬆悠閑的感覺。店員有禮貌而且有笑容，令人感到好溫馨。俾我哋留意到，原來佢哋有做芝士火鍋。細個嗰陣，每一年都會做屋企人帶我去食。令我突然間都好想懷愐一下箇中滋味，就決定提早食晚飯。一個芝士火鍋二人餐，三百零蚊都算幾實惠。先來杯熱辣辣的水果茶，在寒冬中暖一暖身，又暖一暖心。餐廳好貼心地用小蠟燭暖住，令到花茶保持熱度。店主應該係一個好溫柔的女士，每一件小事情都好有心思。鮮果熱茶，加上心思，確係甜到漏。芝士火鍋的賣相好靚，配料好豐富，蔬菜、肉類同澱粉好均衡。睇住芝士慢慢被加熱，然後滲出陣陣獨特的香味，令人食指大動。幾欣賞佢哋將芝士的質感做到好滑溜，而且唔會太杰，可以輕鬆沾上。呢個雞件好好味道，本身已經燒得好香。而多種配料當中，我就覺得炸薯條點上芝士口感最為有層次，味道又超濃郁，好好食。芝士火鍋套餐都幾抵，除咗火鍋拼盤外，仲有一款自選意粉。墨魚汁意粉墨汁味好濃郁，烏卒卒好似寫書法的墨甘。朋友冇叫花茶同水果茶，反而一嚐佢哋的咖啡。味道唔清楚，但賣相真