Video
Read full review
2015-12-09
399 views
是晚被邀請同識飲識食嘅友人去食西班牙菜,原本都係諗住食下tapas嗰啲嘢,點知成晚帶比我嘅就係驚喜無限!今晚既晚餐係wine pairing dinner 黎,基本上由前菜開始,每一道菜都會配一杯酒,有紅酒有白酒.前菜係黑毛豬火腿,呢度嘅黑毛豬火腿好講究,食之前佢帶我去望下隻火腿,然後有西班牙籍嘅廚師介紹隻火腿邊一個部份打邊一個部份,原來每一個部份嘅口感同埋設法都唔同味道都有啲分別嘅,今日可以安排左火腿嘅四個部份俾我哋食,包括有近骨位,火腿嘅上面同埋底部,同埋火腿最頂頂嗰個位,切出嚟嘅文理同埋脂肪分佈都有分別,佢介紹我哋有由最近骨既地方開始食,然後食上面,底部最尾先食頂嗰個位,火腿仲配一杯香檳,簡直就係一級享受!Iberico ham 夠晒咸香,個人比較鍾意偏瘦嘅位置,可以食到火腿嘅原味,喺呢度食有四個位置比你比較就知道自己鍾意食邊一個部份多啲,第日就會識叫啦!Tapas 係生蠔,佢用咗少少分子料理嘅做法,一隻配上咗伏特加酒泡沫,另一隻配上左西班牙橄欖油炒蔬菜,西班牙生蠔第一次食唔算好鹹亦都唔係美國好好creamy 咁 ,係鮮甜而爽身嘅蠔,兩個食法各有各好味,伏特加酒泡沫嗰個帶有少少輕
今晚既晚餐係wine pairing dinner 黎,基本上由前菜開始,每一道菜都會配一杯酒,有紅酒有白酒.
前菜係黑毛豬火腿,呢度嘅黑毛豬火腿好講究,食之前佢帶我去望下隻火腿,然後有西班牙籍嘅廚師介紹隻火腿邊一個部份打邊一個部份,原來每一個部份嘅口感同埋設法都唔同味道都有啲分別嘅,今日可以安排左火腿嘅四個部份俾我哋食,包括有近骨位,火腿嘅上面同埋底部,同埋火腿最頂頂嗰個位,切出嚟嘅文理同埋脂肪分佈都有分別,佢介紹我哋有由最近骨既地方開始食,然後食上面,底部最尾先食頂嗰個位,火腿仲配一杯香檳,
簡直就係一級享受!Iberico ham 夠晒咸香,個人比較鍾意偏瘦嘅位置,可以食到火腿嘅原味,喺呢度食有四個位置比你比較就知道自己鍾意食邊一個部份多啲,第日就會識叫啦!
Tapas 係生蠔,佢用咗少少分子料理嘅做法,一隻配上咗伏特加酒泡沫,另一隻配上左西班牙橄欖油炒蔬菜,西班牙生蠔第一次食唔算好鹹亦都唔係美國好好creamy 咁 ,係鮮甜而爽身嘅蠔,兩個食法各有各好味,伏特加酒泡沫嗰個帶有少少輕微酒香,提升到蠔嘅鮮味;炒蔬菜嗰隻就有另一番風味,有少少爽口嘅蔬菜配上隻蠔感覺係好特別嘅!當然有白酒配食生蠔啦,呢支白酒就比較乾身啲,食海鮮係一流嘅!
Main course 有我最愛既sea bass ,今日呢個係薄身嘅海鱸魚,最特別嘅係佢個底有菜心,你又估唔到係西餐入邊加上菜心又真係幾夾!鱸魚煎到個皮好香脆,魚肉又唔會好乾身,配菜心又有一種好特別嘅感覺!今次中西合璧我係非常之鍾意嘅!
主菜嘅另一樣係慢煮西班牙豬配薯仔泡沫同埋蔬菜,嘩!呢一個真係不得了!我咁大個女係未食過個入口即化嘅豬肉,當然係一片脆卜卜嘅豬皮,底下既豬肉係淋到入口即化,我完全唔敢想像究竟佢慢煮咗幾多個鐘先可以有呢一個效果!薯仔泡沫又係難以置信嘅一個部份,我都用過支泡沫鎗,都知道可以用液體壓縮出泡沫效果,但係薯仔佢究竟點可以做到液體然後做出泡沫呢?我又真係諗唔明!食西餐有時最神奇嘅地方係食到一半有時會有個甜品俾你清一清個口,今日呢一個就犀利喇,係一個啫喱,忌廉同埋雪芭嘅組合.
最頂係sangria 雪芭,中間係cream ,最底係Licor43既啫喱,Licor43係佢地即酒,係橙味既,成杯嘢酒味都幾濃,但有個cream係中間中和返又好和諧喎!呢一個甜品我簡直係想食完一杯又左一杯!但好可惜只得一杯....今晚嘅主角西班牙紅蝦出場!
西班牙紅蝦聽就聽得多,食就真係第一次廚師仲繫着之前攞出黎俾我哋影相添真係好大隻佢話成隻下精華嘅部份就係個頭到啦我哋陣間要留意一下然後佢就用煮西班牙飯嘅專用鑊煮咗一個西班牙紅蝦飯出黎,出到黎之後佢切開咗個頭,將入邊嘅汁唧晒落個飯度再撈勻,香到唔能夠形容,唔係一般蝦頭蝦膏嘅香味,係一種好特別之前未食過嘅海鮮味,以佢嘅蝦肉都唔係平時食花竹蝦既質地,佢嘅質地同味道介乎海蝦同埋龍蝦之間,真係非常之特別,如果來呢度食飯呢個係必食嘅推介!以上幾個主菜都係配一杯紅酒 .
甜品方面係我最愛嘅香蕉雪糕配香蕉布甸配熱情果忌廉同埋花生糖,雪糕同埋布甸都唔算好甜,配上美味孫嘅熱情果忌廉,仲有好特別配上脆卜卜嘅花生糖,成個配搭怪得黎但好好味!多謝友人嘅安排,令我過咗一個非常愉快嘅西班牙之夜!
Post
