Video
Read full review
2018-09-10
25 views
第一次認識Burger bar係透過Instagram廣告，平時我完全唔會理會IG廣告，但今次碌碌下見到一張巨大burger相，即刻流晒口水，就約左女友去食。餐廳嘅burger選擇並不平凡，例如英式早餐漢堡，大蘑菇扒漢堡，我都未曾喺其他同類型餐廳見過以上款式嘅burger。我被餐牌上嘅大蘑菇扒漢堡相片吸引左，所以揀咗大蘑菇扒。一食真係blow my mind。麵包烘過所以面層脆口，包身非常軟熟。中間夾住係安格斯漢堡扒同埋大蘑菇。大蘑菇非常滑嫩，菇味濃郁，漢堡扒呈完美粉紅色，juicy之餘肉質鮮嫩，一咬果下肉汁就流晒出嚟，真係一試難忘。女友就叫左招牌流心芝士漢堡，麵包一樣係外表香脆，包身軟熟。除咗車打芝士，餐廳更將水牛芝士注入漢堡中，形成流心嘅狀態，口感更加豐富，係一次難忘既雙重芝士享受。而漢堡扒依然juicy多汁，而且非常厚。漢堡又點少得薯條呢！凡買漢堡加$22就有一個炸薯條配紫菜粉，當然仲有其他小食例如洋蔥圈，炸魷魚、脆薯角。薯條炸到好香脆，配上真正嘅紫菜粉，真係贏McDonald 既shake shake薯條幾條街，車尾燈都見唔到👀。以後蘭桂坊唔係只係為左clubbing先去，大家
餐廳嘅burger選擇並不平凡，例如英式早餐漢堡，大蘑菇扒漢堡，我都未曾喺其他同類型餐廳見過以上款式嘅burger。
我被餐牌上嘅大蘑菇扒漢堡相片吸引左，所以揀咗大蘑菇扒。一食真係blow my mind。麵包烘過所以面層脆口，包身非常軟熟。中間夾住係安格斯漢堡扒同埋大蘑菇。大蘑菇非常滑嫩，菇味濃郁，漢堡扒呈完美粉紅色，juicy之餘肉質鮮嫩，一咬果下肉汁就流晒出嚟，真係一試難忘。
女友就叫左招牌流心芝士漢堡，麵包一樣係外表香脆，包身軟熟。除咗車打芝士，餐廳更將水牛芝士注入漢堡中，形成流心嘅狀態，口感更加豐富，係一次難忘既雙重芝士享受。而漢堡扒依然juicy多汁，而且非常厚。
漢堡又點少得薯條呢！凡買漢堡加$22就有一個炸薯條配紫菜粉，當然仲有其他小食例如洋蔥圈，炸魷魚、脆薯角。薯條炸到好香脆，配上真正嘅紫菜粉，真係贏McDonald 既shake shake薯條幾條街，車尾燈都見唔到👀。
以後蘭桂坊唔係只係為左clubbing先去，大家仲可以去burger bar食高級既大蘑菇扒漢堡同埋流心芝士漢堡。
Post
