Video
Read full review
2018-06-01
344 views
狗公園就係左近，嘆個靚茶再慢慢行過去爽呀 ﹗竟然會係 133 號檯，好有回憶，突閃過年青時在酒吧醉生夢死的生活，哈哈﹗有張四人檯係最入面電視機底，真好無人騷擾，私人空間坐得舒服。望望點心紙，無咩特別，是但點幾個。錯字不算多，迷您珍珠雞的迷你、上海菜肉飽的肉包，楊州炒飯？揚州先係架麻。XO 醬炒銀針粉，都唔熱既又無鑊氣，微溫送上。淡荗荗油淋淋，有咩好食呢？無肉食，齋炒的嗎？只見芽菜、生菜絲、甘筍絲，漏落 XO 醬還是少到完全感覺唔到？蒜蓉蝦春卷，蒜味特强，質地黏黏的，真係非常溶，真頭係蒜泥來的 ﹗食不到蝦肉、食不出蝦味，淋上大量喼汁，酸酸甜甜脆脆，食其香口。蜜汁叉燒腸，粉皮肉厚，質地粉粉帶鞋，少少肥叉燒粒，不喜歡。豉汁蒸鳳爪，甜甜蠔皇醬汁黏著炸爪，一啜骨肉鈖離，重口味損損腳趾過足癮，味道平凡。點心併盤，何解會係微暖的呢？不是即叫即蒸的嗎？百樂門蝦餃皇、鮮蝦燒賣皇煙都唔煙下，翻熱的嗎？微溫品嚐，啖啖肉的燒賣多汁有肉香，肥豬肉太多，香口但油膩鬆散。蝦餃皮厚蝦爽甜，不過不失。上海菜肉包，特厚包皮有著一丁點肉碎，我只愛皮薄餡靚餡多多的包呢 ﹗潮式靚粉果，油皮成隻跣落口，芫茜？芹菜？嚇死朕咩 ﹗我
有張四人檯係最入面電視機底，真好無人騷擾，私人空間坐得舒服。望望點心紙，無咩特別，是但點幾個。錯字不算多，迷您珍珠雞的迷你、上海菜肉飽的肉包，楊州炒飯？揚州先係架麻。
XO 醬炒銀針粉，都唔熱既又無鑊氣，微溫送上。淡荗荗油淋淋，有咩好食呢？無肉食，齋炒的嗎？只見芽菜、生菜絲、甘筍絲，漏落 XO 醬還是少到完全感覺唔到？
蒜蓉蝦春卷，蒜味特强，質地黏黏的，真係非常溶，真頭係蒜泥來的 ﹗食不到蝦肉、食不出蝦味，淋上大量喼汁，酸酸甜甜脆脆，食其香口。
蜜汁叉燒腸，粉皮肉厚，質地粉粉帶鞋，少少肥叉燒粒，不喜歡。豉汁蒸鳳爪，甜甜蠔皇醬汁黏著炸爪，一啜骨肉鈖離，重口味損損腳趾過足癮，味道平凡。
點心併盤，何解會係微暖的呢？不是即叫即蒸的嗎？百樂門蝦餃皇、鮮蝦燒賣皇煙都唔煙下，翻熱的嗎？微溫品嚐，啖啖肉的燒賣多汁有肉香，肥豬肉太多，香口但油膩鬆散。蝦餃皮厚蝦爽甜，不過不失。
上海菜肉包，特厚包皮有著一丁點肉碎，我只愛皮薄餡靚餡多多的包呢 ﹗潮式靚粉果，油皮成隻跣落口，芫茜？芹菜？嚇死朕咩 ﹗我最怕，幸好未至於反胃啫。
脆皮鮮蝦腸，仲諗住同大陸紫米腸一樣修長幼細，點知巨形大大碌，鬼佬黎喎 ﹗勁搞笑。腸粉捲響鈴，一條腸兩種質地、三種味道。香脆響鈴、嚥韌蝦碎、黏濕粉皮、甜美豉油，併合在一起，蠻好的﹗紿終深圳東方園出品既最高質好味。
滷水鵝掌翼，濃烈八角味道非常嗆喎，朋友勁鍾意，但我不喜歡。沾上甜醋遮掩一下，暖暖的皮滑肉嫩，酸咪咪散發滷水味道，可口滿意。
安蝦咸水角，什麼是安蝦？有蝦的嗎？先脆後嚥韌，肉鬆醃味甜美，更多餡就更開心啦 ﹗微油不膩，沒有討厭的蔥或芫茜，合格。
雪山叉燒包，凍既？焗一焗翻熱都懶。失望地塞入口，菠蘿包外不鬆脆、內不乾塾，叉燒醬不夠濕潤，趙感乾乾不香甜。上湯鮮竹卷，味道淡如水，一夾散晒不夠結實。餡料太少，芹菜味霸道。
魚肚棉花雞，麻麻地免強合格。湯汁不足，整體都有點乾，乾魚肚、乾雞柳、乾冬菇、乾蟹柳。薑蔥牛柏葉，Albert Yip 新鮮出爐熱辣辣，被厚厚薑蔥濃芡包到實一實，少少爽、少少韌，合格。
鮑汁炆鳳爪，遲遲都未到，已經賣晒嗎？其他點心都已經食晒喇，臨埋單終於到步。豉油花生浸雞腳，剛剛急做？水汪汪淡荗荗，雞腳甩皮甩骨，劣質。
XO 醬炒銀針粉
16 views
0 likes
0 comments
蒜蓉蝦春卷
14 views
0 likes
0 comments
蜜汁叉燒腸
20 views
0 likes
0 comments
豉汁蒸鳳爪
10 views
0 likes
0 comments
點心併盤
10 views
0 likes
0 comments
點心併盤
15 views
0 likes
0 comments
脆皮鮮蝦腸
11 views
0 likes
0 comments
滷水鵝掌翼
24 views
0 likes
0 comments
安蝦咸水角
15 views
0 likes
0 comments
安蝦咸水角
6 views
0 likes
0 comments
雪山叉燒包
2 views
0 likes
0 comments
雪山叉燒包
19 views
0 likes
0 comments
上湯鮮竹卷
26 views
0 likes
0 comments
魚肚棉花雞
18 views
0 likes
0 comments
薑蔥牛柏葉
2 views
0 likes
0 comments
薑蔥牛柏葉
17 views
0 likes
0 comments
鮑汁炆鳳爪
12 views
0 likes
0 comments
Post
