子鴨留香

Open Now

Now Closed

約咗與好友去荃灣食飯，行到荃新天地經過呢間舖見裝修幾靚，即管試吓。平日七點幾到，好彩唔使等位。入到裏面原來都幾大，雖然有好多張枱，但係都好寬敞舒適。雖然唔係全場爆滿，不過以平日嚟講坐到七八成都算係唔錯，環境又唔會咁嘈，啱晒我哋，方便傾偈。整體侍應都有禮貌，中途又會主動換碟，感覺良好。本來想試吓佢嘅片皮鴨同埋醉乳鴿，不過人少少，只可以點一啲簡單菜式。點知食落有驚喜，食得出每道菜都有佢嘅心思。下次要約定一大班人，人多啲，再試多啲唔同菜式。