子鴨留香

Open Now

Now Closed

子鴨留香荃灣楊屋道1號荃新天地G48，G50，G52，G56，G58＆G77號舖外賣孖寶烤鴨（全隻）$398，有糖醋排骨+留香烤鴨；2份招牌生煎包（3隻）（每份特價$54）$108。糖醋排骨賣相吸引，好快清碟；留香烤鴨的鴨肉切薄片，粉皮包著鴨肉+青瓜絲+山楂條+京葱絲+牛油果醬，好味！招牌生煎包好食，包皮軟熟，餡料好味！

今天老公開會開到1:45才放飯，記得呢間有下午茶，是由2點鐘開始，時間剛好，就來試吓。細看之下，下午茶的價格與午市套餐的價格差不多，都是$60至$80左右，午市是客飯套餐，鳳梨魚塊、紅燒牛腩蘿蔔、四川口水雞、炒鱔糊等等，包白飯及湯一碗，湯可選酸辣湯或瑤柱粟米羹；下午茶套餐是炒麵、炒飯及湯麵類，另配自選點心一款：杞子桂花糕、上海小籠包、鮮肉鍋貼、炸饅頭、紅油抄手（全部都是兩件），包飲品一杯：雞骨草紅棗茶或陳皮羅漢果水或豆漿。🌻韭黃肉絲炒拉麵$68另加$12可配冷盤一款：手帕小黃瓜、水晶餚肉、四起烤麩、雞絲粉皮及藤椒魚皮。我們選了餚肉，只有三小件，味道標準。肉絲炒拉麵幾好吃，不錯！🌻 陳皮羅漢果水：好香陳皮味，不過唔知落咗啲咩，搞到杯茶太甜了。

已經試過呢間食店好幾次，每次都會點未試的菜式。午餐套餐價錢合理，但水準很好，份量多。而且餸菜都是熱騰騰上到桌上。每次點的餸都好味道，份量足，用料夠。過往曾試過片皮鴨， 松子炒鴨鬆， 酸辣湯， 酸菜魚，清炒河蝦， 炒鱔糊，炒萵筍， 燒茄子， 砂鍋雲吞雞，生煎包， 上海粗炒， 擔擔麵， 嫩雞煨麵， 鹹肉湯年糕， 豆沙鍋餅。樣樣都好食！假日晚上6點到，就不用等位。店員服務也不錯。 晚市好像沒有限時，店內都有大圓枱、卡位、及細枱。

🥢留香烤鴨（半隻）🦆$2️⃣9️⃣8️⃣揀咗傳統片法，皮肉相連，味道幾好有炭燒香味配料有青瓜絲、大蔥絲、山楂條、牛油果醬都幾特別🥢松子糖醋鮭魚🐟（半條）$1️⃣7️⃣8️⃣條魚炸得香脆，但係個糖醋汁偏酸🥢 淮揚五福拼盤$1️⃣4️⃣8️⃣四喜烤麩、青瓜🥒、海蜇、燻魚、肴肉，味道不錯🥢酸辣湯（例牌）🥣$1️⃣2️⃣8️⃣味道偏酸，勁多筍絲，冇乜木耳絲同豆腐絲🥢竹笙奶油扒津白🥬$1️⃣2️⃣8️⃣奶油醬汁好滑，津白夠淋🥢小籠包（三隻）$1️⃣8️⃣湯汁係有，但一夾就穿😢酸辣湯同松子，魚味道偏酸茶位$10/位生日切餅費$10/位酸菜$15是晚消費$1️⃣0️⃣7️⃣0️⃣（已加一）人均消費$357

没想到就在荃湾也能吃到！还有我心心念念的松子鱼💕他们家松子鱼是那种甜酸口感酸的口感酸味大过甜味（这样适合更多人的口感真的是给我味蕾上惊艳到而且他们里面有松子和番茄洋葱也会在里面，不是单给一条鱼🥢他们家的环境也很好，以褐色为主的中国风装修你可以自提也可以堂食其实我后来又再去一次买了一个汤回来（大约是300港币左右他们家的汤还真挺鲜的人多的话，可能要在外面排一下队，但是也是挺快的，我排了大概20分钟就进去了

約咗與好友去荃灣食飯，行到荃新天地經過呢間舖見裝修幾靚，即管試吓。平日七點幾到，好彩唔使等位。入到裏面原來都幾大，雖然有好多張枱，但係都好寬敞舒適。雖然唔係全場爆滿，不過以平日嚟講坐到七八成都算係唔錯，環境又唔會咁嘈，啱晒我哋，方便傾偈。整體侍應都有禮貌，中途又會主動換碟，感覺良好。本來想試吓佢嘅片皮鴨同埋醉乳鴿，不過人少少，只可以點一啲簡單菜式。點知食落有驚喜，食得出每道菜都有佢嘅心思。下次要約定一大班人，人多啲，再試多啲唔同菜式。

無意間發現一個下午茶好去處，就是這間子鴨留香啦！👍一開始只是試試的心態，沒想到居然有驚喜，今次帶埋朋友來試，都讚味道鮮味，環境舒適份量也十足，值得下次再幫親的.

一家四口去食，早已訂位，但要同walkin客排同一條隊等入，令人感覺同無訂位無分別，限時90分鐘，張枱又細，食物未趕得切食就係咁上菜，張枱都擺唔哂，攪到要拿拿臨食騰出空位擺，唔可以舒舒服服慢慢食，餸都未食完，就上埋甜品，個女侍應竟然話：（慢慢食），請問可以點慢？，未夠鐘就叫你埋單。總結：全餐飯嘅感覺就係佢地拿拿臨上哂d菜，張枱擺唔落就唔該你地食快啲，食完好拿拿埋單，趕頭趕命咁已經唔覺得食物質素有幾好，到我望一望門口，明哂，係要趕住做第二批客，唔會有下次，諗住開開心心帶兩老去食晚飯，結果令家人失望😮‍💨

餐廳侍應極度無禮 對食客作言語攻擊有日同同事去午膳時間，諗住正正常常一間中菜餐廳咁叫左幾樣餸，包括一隻需要切既雞，幾個女仔冇咩力處理搵侍應幫幫手侍應唔止唔幫手，仲要係我地切緊既時候鬧同事係 「公主病 」 「要叫男朋友帶去食下西餐 」「唔係冇得係中環返工 」之類講埋d完全唔關事既野非常之侮辱女性 完全唔覺得係搞笑其實我地唔係要求咩五星級既服務 但冇諗過食餐飯搵服務人員幫個手都會比人言語攻擊食咩都冇味極度惡劣既服務態度完全唔推薦任何人去！！！

午飯時間，選擇$388 套餐，有龍蝦麵，片皮鴨，小龍包，4位用，份量足，而且味道及材料非常好。鴨子肉不太油，龍蝦味處理非常好，好鮮味！值得再幫襯。希望有機會晚上再試

其實呢一間舖頭一開我就已經去幫襯佢，嗰陣時味道係好食嘅，但係而家味道真係差咗好多，食物偏甜，例如：片皮鴨之前佢地好細心有個架暖住D片皮鴨，味道係好食嘅，但宜家淨係得隻碟上菜，唔洗3分鐘已經比D冷氣吹凍哂，仲要D肉好似係重新翻熱咁🤦🏻‍♀️，之後仲有鍋貼通常佢個底會脆口，但係佢冇脆嘅感覺，個皮又係一個問題….. 差，跟住到紅油抄手，我竟然食到一個甜嘅抄手🤬，我都叫咗杯凍海底椰冰糖雪耳，我飲第一啖簡直係飲緊糖水，甜度十足，真心要溝多D水，好好笑嗰個職員同我講話幫我攞入廚房整，大家都知當你話D嘢食唔得嘅時候佢話幫你換，大家都驚佢加D唔知咩入去，我話吾洗，我叫佢比杯冰或冰水我自已整，當時我感覺到佢D態度係吾太想做，之后應該會減少去食呢間子鴨留香。

前排lunch喺荃灣發掘咗一間高質嘅京川滬菜餐廳，大家食完都話值得encore 😚 本身呢間餐廳主打片皮鴨，不過我哋嗰日係食左lunch set，估唔到咁有驚喜😋🌟🍜排骨擔擔麵 $85野食一黎到賣相已經好吸引😍擔擔麵湯食落好濃花生味帶少少辣唔會好膩，麵用咗細麵好有嚼口，排骨炸衣好酥脆唔油膩而且肉嘅硬度岩岩好😋🐓川味口水雞菜飯 $85口水雞雞皮同肉質都好爽，雖然調味係用左豆瓣醬同平時嘅口水雞唔同但係都唔錯😛 菜飯就偏清淡唔係好有油香，跟餐飯類可以揀酸辣湯/粟米羹味道不過不失😉🌟🥟小籠包 (跟餐)跟餐嘅小籠包勁正！皮薄、多湯汁、肉味香濃，完全冇expect咁高質成個lunch好豐富、野食都好高質🫶🏻🫶🏻cp 值好高值得encore ☺️📍子鴨留香荃灣楊屋道1號荃新天地地下G48, G50, G52, G56, G58 & G77號舖🍽️ 8.7/10#janfoodiary_中菜 #janfoodiary_荃灣 #janfoodiary_encore

🌻推薦指數：留香烤鴨半隻︰8/10鴨架津白湯︰9.5/10韭黃炒鱔糊︰7/10干煸四季豆︰8/10服務：9/10環境：8.5/10整體評分：8.5/10人均消費︰$297 (已加一)星期六三人行晚餐食評︰1. 留香烤鴨半隻 ($298)︰因為呢味係子鴨所以要留意份量比一般中菜館賣嘅細，但肉同皮嘅比例上佳，筆者平時好驚食食吓填鴨剩番一大堆好肥嘅皮吞唔落肚唔知點清碟，但呢次完全無咁嘅問題，大部分皮底下都有一層肉。鴨肉濃郁嫩滑，食落口唔會柴。配菜醬料方面都有驚喜，除咗常見嘅京蔥、甜醬同青瓜絲之外，仲提供山楂絲同牛油果醬。不過牛油果醬味道較淡，對整體味道昇華無太大幫助。另外美中不足嘅係薄餅較厚同埋份量偏少，三個人要額外叫多一籠薄餅 ($38) 先夠食。2. 鴨架津白湯 ($88)︰叫咗烤鴨嘅話一定唔可以錯過呢味另加88蚊嘅鴨架津白湯！三個人分總共飲左超過六大碗！除咗豆腐同白菜之外仲有超份量嘅鴨肉！煲過湯嘅鴨肉依然非常淋，入口即化，完全唔柴。湯底亦唔油膩，有濃郁嘅鴨味喺口中緩緩散發，味道極佳！3. 韭黃炒鱔糊 ($188)︰醬汁調味剛剛好，上面一大堆蒜泥令味道更加香口，鱔糊亦都夠淋，送飯一流，但

路過見到呢間餐廳環境舒適坐位闊落午餐選擇多有點心包點有午市小菜套餐五人點了小籠包，生煎包，豆沙咸蛋王包，蒸鴛鴦饅頭炸芋丸，素鵝一個甜酸生炒骨有湯有飯好豐富人均消費$100 下次會再去

烤鴨唔錯 配料有山渣條同牛油果醬都幾夾 但係塊餅皮真係太厚同好粉！卷埋來食厚到好似食緊刈包咁！好影響成件事！希望餐廳可以改良下個餅皮做返薄身D！其他野食就比較普通！