Video
Read full review
2015-10-23
5562 views
今日肥髀測完驗兼放半晝，當然要鬆一鬆，接埋肥髀好友一齊去睇戲，睇戲前，當然要醫肚先，在openrice搵到呢間日本菜，名字好特別（至少「菖」字有幾多人識讀？）食物相片好似唔錯，去到剛好午市，好在已經接近兩點，仲係爆場，不過好多食客差不多走，唔使等！店內地方唔大，比較迫，店內陳設簡潔，但好多日式嘅裝飾！午餐選擇多！大家各自點菜後，食物好快到！大蝦天婦羅烏冬定食（$120）肥髀叫，啲蝦同平時啲炸漿唔同，啲炸漿係一粒粒嘅，好似米通咁，夠脆！蝦肉唔乾！烏冬煙韌，沾醬夠凍，味道唔會太鹹，肥髀唔肯落芝麻同蔥（落晒我碗飯度）所以無咗香口嘅感覺！香蔥吞拿魚腩飯定食（$134）擺盤靚，吞拿魚蓉多！肥美，大蔥絲爽脆！又夠多，醃菜係蘿蔔，辣辣的，解膩，加埋銀魚仔煙韌夠魚味，整體個感覺好多味道口感，但又好夾！夠味！芥辣似係即蘑架！唔太辣，好香！跟餐蟹柳手卷：蟹柳味道唔假！手卷紫菜脆脆！跟餐前菜：味道比土魷味！小朋友唔鐘意！我覺得好漁村味，芋仔炆得透！仲有一塊彈牙嘅蒟蒻，不過土魷太硬！跟餐麵豉湯：夠熱，海帶加豆腐，飲得出唔係即沖貨式，唔會過鹹，味道幾鮮！如果有啲蜆仔仲正！（發夢！）壽司定食（$156）肥髀好友食
今日肥髀測完驗兼放半晝，當然要鬆一鬆，接埋肥髀好友一齊去睇戲，睇戲前，當然要醫肚先，在openrice搵到呢間日本菜，
名字好特別（至少「菖」字有幾多人識讀？）食物相片好似唔錯，去到剛好午市，好在已經接近兩點，仲係爆場，
不過好多食客差不多走，唔使等！店內地方唔大，比較迫，店內陳設簡潔，但好多日式嘅裝飾！
午餐選擇多！大家各自點菜後，食物好快到！
大蝦天婦羅烏冬定食（$120）肥髀叫，啲蝦同平時啲炸漿唔同，啲炸漿係一粒粒嘅，好似米通咁，夠脆！蝦肉唔乾！烏冬煙韌，沾醬夠凍，味道唔會太鹹，肥髀唔肯落芝麻同蔥（落晒我碗飯度）所以無咗香口嘅感覺！
香蔥吞拿魚腩飯定食（$134）擺盤靚，吞拿魚蓉多！肥美，大蔥絲爽脆！又夠多，醃菜係蘿蔔，辣辣的，解膩，加埋銀魚仔煙韌夠魚味，整體個感覺好多味道口感，但又好夾！夠味！
芥辣似係即蘑架！唔太辣，好香！
跟餐蟹柳手卷：蟹柳味道唔假！手卷紫菜脆脆！
跟餐前菜：味道比土魷味！小朋友唔鐘意！我覺得好漁村味，芋仔炆得透！仲有一塊彈牙嘅蒟蒻，不過土魷太硬！
跟餐麵豉湯：夠熱，海帶加豆腐，飲得出唔係即沖貨式，唔會過鹹，味道幾鮮！如果有啲蜆仔仲正！（發夢！）
壽司定食（$156）肥髀好友食，我幫手食咗帆立貝，又厚肉又淋又鮮，吞拿魚小卷，好鮮，加紫菜嘅香，好正！白身魚完全唔腥，切得厚但唔韌，魚味濃，好味！
波子汽水：兩位小朋友最開心係攞到嗰粒波子！食物可以話驚喜！呢個價錢在午餐唔可以話平，但水準一定超值！
見住位兩位日本人在吧枱內努力，食物擺盤好靚！女店員親切，會問下小朋友嘢，唔係做完就算！服務細心！最後埋單見張單係好撩草嘅字！所以唔知寫乜！
好開心試到有水準嘅一餐日本菜！
Post
