春嬌越南河

Open Now

Now Closed

一直都好鍾意食越南野同泰國野，今次見到依間兩樣都有，所以就決定試下！用電話落單非常方便，同朋友都想試多啲嘢所以叫咗一個麵share，咁就可以叫多啲小食！首先叫咗個招牌火車頭叻沙湯檬（$71），個叻沙味道夠濃，椰香味重！配料好豐富，仲有埋花膠！吸左叻沙湯仲好味。之後叫咗馬拉盞炒通菜（$48），冇諗過同大排檔一樣咁有鑊氣，一上枱已經好香。另外仲叫咗炭燒豬頸肉（$62），即叫即燒所以等得比較耐，但好值得！燒得好好，外皮脆又香，中間肉就嫩滑多汁。嘢飲方面叫咗志明奶茶（跟餐$8），其實似泰式奶茶嘅味道，但係就係冇咁甜嘅版本，好好飲同好滑！整體黎講呢間菜式大路但係都好食！經常食都唔會厭。