Chatterbox Café (AIRSIDE)

Open Now

Now Closed

去咗Airside行下同睇戲，夜晚就揀咗呢間星加坡過江龍食飯，我哋食咗肉骨茶麵線同埋招牌嘅海南雞飯，估唔到肉骨茶竟然仲有驚喜。文華海南雞飯 $138同一般海南雞飯一樣都跟咗個湯、油飯，配上3款醬汁。海南雞賣相靚仔，皮色水夠黃，雞肉已經去骨。我覺得雞肉正式發揮，都尚算皮爽肉嫩。我哋份雞應該有一半髀位，一半胸位，髀肉係嫩啲，胸位都唔會話嚡。油飯夠香夠味，我淨食飯都覺得可以食一碗。白胡椒肉骨茶麵線 $132呢個肉骨茶一上枱雖然香氣撲鼻，但係睇啲肉個樣平平無奇，本來我對肉骨茶冇乜特別期望，覺得啲肉好似煲過湯咁樣🙈但係一飲個湯超香，一食嚿肉覺得好好味，肉好入味而且細嫩，沾上濃稠嘅醬油，鮮味仲即時提升。用脆口嘅油炸鬼浸湯好好食，索左少少湯又保持微脆。配料嘅麵線、金菇、豆卜甚至蒜頭都超級索湯入味，好正。