Video
Read full review
2023-05-29
174 views
今日經過海洋公園，心思思想睇下南區有冇小炒出色既大排檔，估唔到只係隔三個地鐵站距離既海怡半島附近就有一間，而且由海洋公園站去只係要15分鐘，真係啱哂一家大細去完海洋公園之後搵好野食醫肚啊😆餐廳位於鴨脷洲邨街市既1樓，離遠望就已經見到有個大logo寫住餐廳名「蟹點」，絕對唔洗驚會搵錯地方或者搵唔到。相比好多街市既露天大排檔，呢到既感覺係明顯乾淨企理同舒適好多。餐廳既座位有分室內同室外，室內有提供冷氣，就算夏天去食都唔怕食到身水身汗，而且空間好闊落，一啲都唔會覺得好逼。至於室外亦都有提供唔少既枱，鐘意體驗露天大排檔風味既就啱哂啦。餐廳既主打係中菜小炒同泰國菜，菜單上既選擇非常多，就算親戚朋友既口味唔同都唔洗擔心揀唔到野食。🎈金沙鮮魷 $138第一碟上黎既就係金沙鮮魷。炸粉唔會太厚，只係啱啱好咁包住塊鮮魷，而且剛剛炸起所以好脆口，配埋金沙咸蛋黃醬味道好夾，值得推介。🎈蒜蓉粉絲蒸大元貝(4隻) $188元貝既肉好厚身，配上蒜蓉啖啖肉真係好滿足，而火候都控制得啱啱好，蒸得相當唔錯。🎈招牌白胡椒蟹(大隻) $698終於到咗最期待既白胡椒蟹啦。果然名不虛傳，未上枱就已經聞到好香既白胡椒味，忍唔住流口
餐廳位於鴨脷洲邨街市既1樓，離遠望就已經見到有個大logo寫住餐廳名「蟹點」，絕對唔洗驚會搵錯地方或者搵唔到。相比好多街市既露天大排檔，呢到既感覺係明顯乾淨企理同舒適好多。餐廳既座位有分室內同室外，室內有提供冷氣，就算夏天去食都唔怕食到身水身汗，而且空間好闊落，一啲都唔會覺得好逼。至於室外亦都有提供唔少既枱，鐘意體驗露天大排檔風味既就啱哂啦。餐廳既主打係中菜小炒同泰國菜，菜單上既選擇非常多，就算親戚朋友既口味唔同都唔洗擔心揀唔到野食。
🎈金沙鮮魷 $138
第一碟上黎既就係金沙鮮魷。炸粉唔會太厚，只係啱啱好咁包住塊鮮魷，而且剛剛炸起所以好脆口，配埋金沙咸蛋黃醬味道好夾，值得推介。
🎈蒜蓉粉絲蒸大元貝(4隻) $188
元貝既肉好厚身，配上蒜蓉啖啖肉真係好滿足，而火候都控制得啱啱好，蒸得相當唔錯。
🎈招牌白胡椒蟹(大隻) $698
終於到咗最期待既白胡椒蟹啦。果然名不虛傳，未上枱就已經聞到好香既白胡椒味，忍唔住流口水。店員之後會淋上白胡椒汁，令到香味更加昇華。蟹可以選擇大蟹同超大蟹，重量會有唔同，不過今次叫既大蟹已經好大隻，兩三個人食都好足夠。蟹肉新鮮同好鮮甜，微辣既白胡椒味道亦超級惹味。值得一讚既係店員會幫手好細心咁將蟹鉗既殼敲碎，咁就食得更方便啦。
Post
