Video
Read full review
2018-08-05
109 views
約左朋友出旺角食泰菜，早到左行個圈，突然見到間川菜幾吸引人......Share 左張餐牌俾朋友，大家一致決定要轉軚試新野，yeah ! 主打似乎有三大類型：一是辣鍋魚 / 雞 / 鴨 ，食完主菜再加生料打邊爐；第二款是香鍋類，一般是蝦 / 蟹 / 雜錦，再另外加選想吃的配料，廚房會幫手煮好再一大鍋送上。最後一類是川式經典小菜，例如水煮牛、夫妻肺片、口水雞等等.......經過一陣商議，最後我地揀左冷鍋麻辣魚。有thumb up 的 ，似乎是招牌必食。冷鍋麻辣魚 $148叫左小辣，係香而不辣的，鍋底好香好足料，魚片新鮮、大片，唔太多骨，魚肉嫰滑，緊緊熟。配料大豆芽菜同木薯粉亦很出色。名叫冷鍋但其實上枱的時候是熱辣辣的，先食魚片，食到七七八八時先至開火加其他火鍋配料食。好味，推介！ 火鍋配料叫左呢D，好彩枱夠大，叫左咁多野都冇問題。花枝丸 $28 -大粒又真材實料，六粒都唔使三十蚊，好抵。炸魚皮 $25 - 夠脆， 但底下果D略嫌碎左D海蝦 $48- 都算大隻，而且幾新鮮。肥牛 $42 - 都幾肥美，同麻辣湯好夾，份量足，抵食。木耳 $22 - 係細細片的貓耳朵，爽脆解膩，仲係健康食品。
Share 左張餐牌俾朋友，大家一致決定要轉軚試新野，yeah !
主打似乎有三大類型：
一是辣鍋魚 / 雞 / 鴨 ，食完主菜再加生料打邊爐；第二款是香鍋類，一般是蝦 / 蟹 / 雜錦，再另外加選想吃的配料，廚房會幫手煮好再一大鍋送上。最後一類是川式經典小菜，例如水煮牛、夫妻肺片、口水雞等等.......
經過一陣商議，最後我地揀左冷鍋麻辣魚。有thumb up 的 ，似乎是招牌必食。
冷鍋麻辣魚 $148
叫左小辣，係香而不辣的，鍋底好香好足料，魚片新鮮、大片，唔太多骨，魚肉嫰滑，緊緊熟。配料大豆芽菜同木薯粉亦很出色。名叫冷鍋但其實上枱的時候是熱辣辣的，先食魚片，食到七七八八時先至開火加其他火鍋配料食。好味，推介！
冷鍋麻辣魚
21 views
0 likes
0 comments
火鍋配料叫左呢D，好彩枱夠大，叫左咁多野都冇問題。
花枝丸 $28 -大粒又真材實料，六粒都唔使三十蚊，好抵。
炸魚皮 $25 - 夠脆， 但底下果D略嫌碎左D
海蝦 $48- 都算大隻，而且幾新鮮。
肥牛 $42 - 都幾肥美，同麻辣湯好夾，份量足，抵食。
木耳 $22 - 係細細片的貓耳朵，爽脆解膩，仲係健康食品。
有機紫薯粉 $22- 第一次食，其實係木薯粉D friend , 滑嘟嘟幾得意，質感似涼粉。
娃娃菜 $25
用來索麻辣湯真係正，份量多，好抵食。
荔枝沙冰 $32 & 凍柑橘青檸蜜 $22
兩杯都很冰凍，但可能我地食緊濃味野，覺得佢比較淡味。
凍杞子菊花蜜 $22
最尾D菜越食越辣，所以又叫多杯解辣，杞子菊花味重，感覺好淸熱滋潤，正呀！
超飽，埋單每人都係二百幾，抵啦！
Post
