波仔記車仔麵 (Closed)

得知波仔記車仔麵在北角開分店，剛好今天經過這邊，就入去試一試。真係值得一讚！不論味道同口感都食得出灣仔嘅水準。因為好多鋪開分店，水準味道都有所下降，佢地keep倒，真係低讚！據我所知北角店係第二代接手管理，果然虎父無犬子，青出於藍。佢地更有突破性驚喜，北角分店多左個秘製辣汁！！！因為灣仔做左咁多年都無自己炒嘅辣汁，鍾意食辣嘅我，總覺得差咁D野咁。今日試過個辣汁真係喜出望外。呢個辣汁我認為勝過好多所謂因辣出左名嘅車仔麵辣醬辣汁，好想知佢地落左D咩＠＠，都幾肯定遲D好快又上雜誌又上咩香港10大車仔麵，到時要食倒又要排下隊啦