綠摩 (Closed)

無意中發現咗呢間新開嘅Pizza外賣店，見到啲Pizza啲名幾搞鬼，晚飯時候又唔知食乜，貪得意買來試吓，睇住師傅即製pizza，味道有啲驚喜。精選餐湯$29係忌廉粟米濃湯，個湯幾濃厚creamy , 粟米粒都幾多。綠摩（大） $175 呢個係佢哋嘅招牌Pizza，除咗普通嘅Pizza材料如辣肉腸、西班牙黑毛豬腸及車打芝士,，仲用咗 nacho,牛油果醬同sour cream，好特別，充滿墨西哥風情，味道估唔到會咁夾。個批底屬於厚與薄之間，香脆得來又飽肚。煙三文魚芝士春卷$48好香脆，煙三文份量咸香加上拉絲芝士，然後蘸少少青芥末蛋黃醬，好好味。脆炸棒棒雞鎚$48 雞鎚都幾多肉，肉質都幾juicy，配燒烤醬。