綠摩 (Closed)

之前有經開見封板開pizza 店，終於開左一直未試，今晚終經開就OpenRice 落定order 去取，由於我比取單時間早到15 分鐘，老闆見到我就即做，麻煩晒☺️⋯⋯很好不會整定，剛剛好15 分鐘就煮和焗好了，新鮮滾熱辣，見到個焗爐好治癒😋⋯⋯見到店外有廣告中午12-2，意粉🍝也是$55，pizza 某時段買一送一，好抵，只限當場店叫，詳情見相，講返pizza, 很脆，芝士🧀夠多有拉絲感，卡邦尼亞意粉也很多，還有小食，沙律，六十幾蚊真的好性價比高，下次再來試其他☺️

灣仔出名多嘢食，只要需要諗食邊樣再喺OpenRice 一搜就有。 今日口淡淡想整個意粉，就上嚟望，見到呢間有得直接落埋order，雖然行遠少少但都叫個自取啦⋯⋯早咗十分鐘到，老板對咗個號碼就問「你早嚟咗喎，我即刻整俾你、 好快！」等咗真係三四分鐘，老板就整好打包…拎到返去辦公室食；仲係燙嘴的！超勁！ 意粉有心機：除咗熟煙肉仲有落乾煙肉同香料增加香味同口感、 意粉汁豐厚而且係滿滿的！ （本人係鐘意多汁嘅卡邦尼） 如果現場買係$55 送湯，真係抵上加抵！老板仲推薦咗如果係愛「蒜」的話可以試個「蒜香辣椒鴨胸意」相信都係誠意之作，下次就一於試下

灣仔呢間Pizza 🍕外賣小店買咗個外賣返屋企做晚餐叫完等一陣就拎得，非常有效率👍🏻✨超值2人套餐 $288🍕Pizza 套餐包一款$129嘅🍕有成16款咁多比我選擇😍加多$10揀咗呢款夏威夷辣妹🍕餅底薄身，食落香脆美味面頭鋪滿雙色車打芝士🧀拉開仲有拉絲😍加上勁多火腿同菠蘿🍍配料真係啖啖滿足😌🍝Pasta義大利肉醬伴溫泉蛋意大利粉意粉掛滿醬汁😍再將流心溫泉蛋撈埋嚟食，味道更加濃郁🍗小食脆炸捧捧雞膇食落好香脆惹味😋套餐還配有汽水/是日餐湯

屋企人話想食pizza，跟住我哋就決定試吓呢一間既外賣Pizza店。呢間店舖嘅裝修好特別，成間鋪全部都係綠色的！好顯眼！而今次我地就點咗佢嘅二人套餐$288就已經包左一個九吋嘅pizza，今次就加錢轉咗佢嘅夏威夷辣妹！ 但係其實呢個Pizza並唔係辣嘅，而且好足料成個Pizza都充滿哂黑森林火腿，菠蘿及雙色車打芝士！ 而另外意粉我哋就揀咗意大利肉醬伴溫泉蛋意大利粉，有香草味 ，而且有埋溫泉蛋做點綴，味道好濃厚！小食方面我就揀咗脆炸棒棒雞鎚，呢個我覺得好有驚喜，炸得好好，外脆內嫩，好Juicy！而飲品我就揀咗餐湯，有粟米湯同埋有黑松露野菌忌廉湯，忌廉湯好Creamy，而黑松露野菌湯好香黑松露味，雜菌好多tim！

Happy Friday 跟一群同事去了一間外賣創意pizza，十分驚喜好足料~ 我們點了他們的招牌款「綠摩」及「五式芝士」，兩款口味各具特色，賣相好得😍首先是「綠摩」，12吋大pizza以薄脆餅底為基底，鋪了幾片滑順的牛油果醬及酸忌廉，再配以香辣可口的辣肉腸、肉嫩多汁的西班牙黑毛豬腸。再加上墨西哥脆片的點綴，交織出層次豐富的滋味💖 還有雙色車打芝士的鹹香濃郁，令人食慾大開🔥另一款「五式芝士」9吋細pizza同樣以薄脆餅底為本，上面鋪滿了意大利馬蘇里拉芝士、希臘菲達芝士及哥根蘇拿芝士，再淋上一層甜蜜的蜂蜜，口感層次豐富，迷人至極👍🏻 每一種芝士都有其獨特的風味，與蜂蜜的搭配更是天衣無縫，交織出濃郁綿密的芝香，絕對是芝士控的至愛😆😆😆 不過有人可能會覺得藍芝士好臭，但鐘意食就覺得好好味啦！

睇到店內燈牌先知原來係uncle pizza副線！再加上設計埋有吉祥物綠摩，甘就試吓先！套餐抵食，有主食，pizza，小食，湯/汽水。因為當中的pizza及主食係限定邊幾款，如果想吃的不包在內，所以散叫！都係好抵！💫 PEPPERONI PASSION意國風情 (意大利辣肉腸、紅洋蔥、雙色車打芝士） $149薄餅底係好正嘅脆底,邊邊有啲許許微微嘅焦咗,咬落嗦嗦脆,當中又保持咗軟蓬適中嘅質感,一點都唔乾。芝士就如預期一樣好溶化滑順,冧溶咗之後再冷卻就更加軟滑晶瑩,仲有啲咸香鮮甜。💫 LINGUINE WITH CLAM, CHILLI & WHITE WINE FISH BROTH蒜香辣椒白酒大蜆扁意粉（$138）意粉真係好彈牙,中間唔會乾燥,而係保持住水分同質感,咬落會有啲下牙齒咁嘅彈感,但又唔會太趨膠。蜆肉又鮮甜滑溜,仲帶有微微鹹味,非常入味同埋唔會死口。蒜頭就成就左嗰個味道,並帶有牛油嘅香氣。

餐廳主打pizza, 係soho uncle pizza 的分支。除左pizza, 佢都有各種小食和pasta！今次就叫左個二人餐試下。1. 卡邦尼蛋汁意大利粉-卡邦尼汁煮食剛剛好，唔會太濃-有蛋香和淡淡的白酒-煙肉碎粒唔會過燶，鹹香脆口2. 煙三文魚芝士春卷-春卷炸到金黃酥脆-裡面有芝士餡料和煙三文魚-味道濃郁野味3. Green Monzter -餅底係比較薄的款式-上面有辣肉腸、茄醬、車打芝士、Sour cream、牛油果醬和墨西哥脆片-食落好清新，唔似普通的pizza套餐係$288，跟餐仲有兩個飲品，真係超值，可以encore！

灣仔點外賣，特別係pizza 店，一定要點呢間Green Monzter 錄魔 🍕 呢度主打外賣pizza 套餐🥡，而且好食又抵食，$288 可以食好多野，今次點左個二人套餐撐檯腳，二人套餐都夠豐富：1. 9吋pizza ，選擇了夏威夷辣妹，但其實一點也不辣，係由黑森林火腿，菠蘿🍍，雙色畢打芝士🧀整的，口感清新好味🤤2. 意粉🍝一份，揀左卡邦尼蛋汁義大利麵份🇮🇹🍝，呢份意粉出色既地方係超級juicy, 而且超鍾意脆口的bacon 脆脆，yummy 😋3. 小食一份，脆炸棒棒雞槌 一定要配青芥末蛋黃醬，呢個係精髓啊4. 汽水🥤/湯 ， 因為湯已經賣曬，超多人點外賣，所以揀左汽水🥤

呢日過咗灣仔做野😉路過見到呢間Pizza外賣店有個大焗爐好似好正咁！見到佢嘅二人套餐都唔算太貴，$288包咗好多嘢食！於是就買埋外賣返屋企啦😎超值2人套餐包咗9吋薄餅🍕都有成六件，我叫咗夏威夷辣妹口味😋雖然佢叫辣妹，但係一啲都唔辣架！買咗之後仲可以喺窗邊望到店員即時整呢個Pizza！佢落咗超多菠蘿、火腿同埋芝士呀😍義大利肉醬伴溫泉蛋意大利粉呢個肉醬意粉味道好濃郁，啱晒我呢個重口味人士！上面仲有一隻流心嘅溫泉蛋，撈埋一齊食口感更加Creamy😇焗酥脆芝士粗薯條呢客薯條份量都幾多，粗薯條嘅薯仔味好重，上面仲有好多熔芝士🧀本身配咗惹味嘅青芥末蛋黃醬❤️另外加錢要埋黑松露蛋黃醬🤤餐湯係好濃稠嘅蘑菇湯，另一個飲品叫咗雪碧，襯返呢間舖頭個主題嘅綠色啊😆

灣仔必食Pizza外賣！今日去咗灣仔新開嘅Pizza外賣店綠摩，由曾任多間五星級酒店總廚嘅主理人主理，有超過40年意大利菜同西餐廳經驗！-我同朋友叫咗個二人套餐，有9吋德國辣肉腸pizza、肉醬意粉配溫泉蛋、雞鎚同粟米忌廉湯/黑松露雜菌忌廉湯。個pizza真係超正！餅底薄身脆口，-'芝士多到可以拉絲 而且可以透過玻璃睇到pizza製作過程，好有睇頭！-肉醬意粉配溫泉蛋都好正，溫泉蛋入口即溶，配埋肉醬同意粉，真係好滋味雞鎚外脆內嫩，啖啖肉！粟米忌廉湯好creamy，粟米粒粒爽甜黑松露雜菌忌廉湯好香黑松露味，仲有好多雜菌，好足料！綠摩嘅外賣真係好正，下次一定會再encore！#綠摩 #灣仔美食 #pizza外賣 #意大利菜 #西餐廳 #二人套餐 #德國辣肉腸pizza #肉醬意粉 #溫泉蛋 #雞鎚 #粟米忌廉湯 #黑松露雜菌忌廉湯 #香港美食 #foodie #hongkongfood #yummy #delicious #foodphotography #instagood #likeforlike #followme

位於灣仔有一間比較高質小店pizza😍價錢中等😂早在2017年開始在中環蘇豪區開設第一間分店uncle pizza😙到上年2023年在灣仔開第二間分店😙店舖以綠色為主題叫‘綠摩’😌當日約左朋友傾野😜於是買外賣去佢舖頭到食😅叫左2個1人午餐😅薄餅餐盒八吋半月形夏威夷薄餅🍕好薄身😌咬口好鬆脆😍好濃郁芝士味🤪配忌廉湯🤪好濃味😌再配春卷一件😜意粉套餐🤪意大利肉醬伴溫泉蛋意粉🍝麵條好彈性，肉醬好濃郁蕃茄味/溫泉蛋好濃郁的蛋香～帶來豐富的口感層次和美味😋配沙律😚好爽脆😋再配雞鎚一件🤪蕉蕉泰正（推介）有焦糖香蕉😌意大利馬蘇里拉芝士🧀朱古力醬、花生碎～泰國地道食品😍一個好特別的甜品🍮帶比人一個好甜蜜口感😚食過番尋味🤪落單後～即叫即整😍好新鮮滾熱辣食物🤪

朋友話灣仔附近開咗一間隱世fusion有心思嘅Pizza店，我特登走去朝聖一下~超值2人套餐超抵食，包一個九吋pizza 一個意粉 一個小食 兩個汽水或是日餐湯. Pizza選擇豐富 花多眼亂. 有選擇困難嘅我 直接揀咗老闆推薦鎮店之寶<綠魔> 實行一次過滿足晒兩個願望！經典<綠魔>係以墨西哥nachos crossover 意大利pizza. Nachos 唔係平時食開嘅粟米片咁普通 呢度比較酥皮化 更加鬆脆. 一次過有齊晒Salsa、glucamole 同sour cream. 餅底以麵包和餅乾取得平衡. 幾驚喜嘅係成塊拎上手唔會軟皮蛇咁the 落嚟 我可以好優雅地用兩隻手指拎住塊pizza咁食都唔怕🤏🏻小食揀咗炸雞鎚 更用心地將雞肉連皮反至後面 形成一個小錘仔 間接直接幫你去埋骨。老闆勁好人話送多兩條三文魚春卷俾我同朋友 試埋 附送Wasabi醬 好特別嘅小食😋肉醬意粉上面隻溫泉蛋盡顯老闆技術了得. 麵條硬度仲可以因我嘅喜好而改變. 肉醬充滿蕃茄香草味 十足中環餐廳入邊食到嘅高水準之作👍👍餐湯分別有黑松露蘑菇同粟米忌廉湯 兩個都飲得出唔係一般罐頭湯

今日經過灣仔道就試吓呢間外賣Pizza！超值二人套餐$288夏威夷辣妹 個Pizza都幾大份喎，個批底係薄身香脆，喜歡香口嘅人就啱晒！配有黑森林火腿、菠蘿、雙色車打芝士🧀～小朋友食完話菠蘿芝士都好好味！卡邦尼蛋汁意大利粉🍝估唔到Pizza舖頭嘅意粉都唔錯，意大利粉煮得啱啱好夠晒煙靭上面嘅卡邦尼蛋汁食落幾惹味creamy 煙三文魚芝士春卷配青芥末蛋黃醬呢個春卷皮薄香脆入邊有豐富餡料，煙三文魚同埋滿滿的芝士，配上青芥末蛋黃醬有微微辣增加咗味道層次！🍱綠摩 (灣仔)📍灣仔交加里22-30號華都樓地下15A號舖

今日去左灣仔食間專做外賣嘅pizza店, 係灣仔鬧市嘅後一條街，都算係少少隱世。一去到就見到佢地自設左個pizza爐，果然係專做pizza嘅舖頭。綠摩（9inch)：🅰️🅰️🅰️🅰️🅰️叫得同餐廳一樣嘅名，一定唔試唔得😏。薄餅通常係有外脆內軟，呢間將墨西哥脆片擺係正中間，令到應該係軟身嘅位都有脆嘅口感，加上唔止得一層脆片，有多重層次。咁嘅設計好特別，果然係招牌薄餅👍。然後上面嘅牛油果醬同忌廉，成個感覺就好rich😋五式芝士薄餅（9inch)：🅰️🅰️🅰️🅰️作為芝士控，又係必點，佢地呢隻薄餅有好濃嘅芝士味🫠，佢特別之處係加左蜜糖，甜甜地平衡返澎湃嘅芝士味⚖️，唔錯。呢兩個pizza 因為多料，2-3人都夠食，佢地嘅pizza即叫即做，仲有個師傅會不停拎個鏟係度邊焗邊轉，出返嘅效果就係受熱均衡，餅邊好脆，抵讚。推介畀食厭哂連鎖店pizza嘅大家！

今日喺灣仔嘅一間Pizza專門店叫咗一個九吋嘅德國腸仔pizza出走德國。pizza上有德國嘅雜腸，都幾多呀！另外有一啲味道甜甜地嘅蜜糖芥茉醬，同埋有兩款唔同顏色嘅芝士，係水牛芝士同埋車打芝士。我哋落單之後店員即刻幫我哋製作呢一個pizza，非常之新鮮，而且芝士多到可以拉絲呀，食落非常薄脆嘅批，好好味呀！而且我鍾意佢芝士量超級多，邪惡得來好美味。Pizza有好多款式都係出邊見唔到嘅，大家可以試下。