壽司派 (Closed)

放工後帶著疲倦的身軀3個人由中環走到沙田，一心想揾個舒適的環境食晚飯兼吹下水，亂衝亂撞就黎咗呢度食，一坐低就叫個刺身拼盤；刺身一看閃亮帶粉，加上厚切的豐厚感，信心即時倍增，食落去牡丹蝦軟糯甜美、三文魚、三文魚腩爽彈有口感；帶子有鮮味，四款刺身均令人滿意，完全唔似係放係迴轉檯上圈來圈去都無人吼的貨式。再叫炸軟殼蟹，軟殼蟹大大隻，一開二份，食落去好爽身，唔會成口油，值得推介，最後叫個芝士焗蠔，相貌很好，芝士食落好軟身，味道唔會太醎，有蠔味，流出來的蠔汁好有海水的鮮味，我同朋友都會再來。