Video
Read full review
2000-05-14
14 views
唔通人無拖拍真係咁空虛?? 下下都無飯開搞到要吹雞?? 呢..~ 人辦在此.. 今日小弟又無所事事喇~ 你地都知咩野事啦~? 好無聊地捉左八位" 飲食男女" 加埋我俗稱" 九男女" 哈哈.. 但係有個winnieqq 燒到103 度~ 經過軍醫check 過後不適宜作賽.oh,! 跑少隻@! 是日我地去左中環些利街17 號的"orange tree"! 荷蘭小食在上年已在老蘭的"dutch boy" 領教過~ 但係呢間係全港唯一一間係標 榜荷蘭菜的餐廳."orange" 係荷蘭的國家顏色. 你睇下荷蘭國家隊果件球衣係乜野 色? 小弟對荷蘭的印象~ 唔係古列治就係伯金.. 再唔係就而家的雲尼士杜萊~~ 又或者 低窪地區~ 水位一漲就死先大麻合法化等等. 不過今晚又識多樣野, 就係乜野叫荷蘭 菜. 一大班人最好開支酒作前奏, 但係個個都唔多岩~ 叫幾支水頂下癮先~ 廚房開放 式.. 可一窺全豹.. 可見到廚師一路渣鑊一路講手電~ 好在今日無馬跑, 若果係的話 仲多野睇呀~! 環境方面絕對岩情侶黎撐下檯腳.. 但係又岩成大班人系度講下女人wor~ 哈 哈..: ) 佢地的餐
今日小弟又無所事事喇~ 你地都知咩野事啦~?
好無聊地捉左八位" 飲食男女" 加埋我俗稱" 九男女" 哈哈.. 但係有個winnieqq
燒到103 度~ 經過軍醫check 過後不適宜作賽.oh,! 跑少隻@!
是日我地去左中環些利街17 號的"orange tree"!
荷蘭小食在上年已在老蘭的"dutch boy" 領教過~ 但係呢間係全港唯一一間係標
榜荷蘭菜的餐廳."orange" 係荷蘭的國家顏色. 你睇下荷蘭國家隊果件球衣係乜野
色?
小弟對荷蘭的印象~ 唔係古列治就係伯金.. 再唔係就而家的雲尼士杜萊~~ 又或者
低窪地區~ 水位一漲就死先大麻合法化等等. 不過今晚又識多樣野, 就係乜野叫荷蘭
菜.
一大班人最好開支酒作前奏, 但係個個都唔多岩~ 叫幾支水頂下癮先~ 廚房開放
式.. 可一窺全豹.. 可見到廚師一路渣鑊一路講手電~ 好在今日無馬跑, 若果係的話
仲多野睇呀~!
環境方面絕對岩情侶黎撐下檯腳.. 但係又岩成大班人系度講下女人wor~ 哈
哈..: )
佢地的餐牌每日更新.. 個set dinner 亦係~ 仲要係懶神秘. 要到上檯的一刻先
知.. 即係話: 好食梗係要食~ 唔好食你都要食咁樣~ 結果我老友kevin 同hardware 426
西支order 左~ 即係話,$265 3 courses 係俾佢地賭一舖~
我叫左個"matjes herring with shallots and beetroot salad" 作頭盤
~herring 係荷蘭特產.. 生食.. 味道有d 似沙甸魚. 面頭d 洋蔥碎用黎作僻腥.. 紅菜
頭沙律都好新鮮.. 隔離西支系度話英國d 羅宋湯係用紅菜頭作配料, 但係~~ 羅宋
湯唔係俄羅斯野黎架咩?
我老友kevin 個生牛肉食左三分一就唔食~ 我都好唔介意執二攤.. 但係同我先前
在baci 同sugerpalm 食果d 係爭dd..
主菜係"gratinated giant portabella filled with ratatouille served
with chives cream sauce"..
即係我最愛之一特大磨菇..stonegrill 果d 淨係俾你齌燒乜都無..~
今次唔同食法.. 面頭好多紅椒呀~ 荷蘭豆.. 仲有一種菇但係唔知係乜~ 菇內有
菇.. 可話你知呢個係全素.. 素食者去到orange tree 的話可叫呢個( 果日有的話)
其他有人點左鴨肝~ 我撻左少少黎試試.. 同煎鵝肝差唔多但係騷過鵝肝~ 不過
我食左咁少.. 好難下結論.
大多人點果個"lamp fillet.." 用騷皮黎包住切到好似一支支手指餅的羊肉.. 佢
地的common 係好好食~ 但係羊肉加騷皮會好滯~!
甜品我實唔叫~ 除左兩位叫左set dinner 有甜品送.. 其他都無叫~ 可能已投降~
每人食左三百一.. 荷蘭菜係好食但係最肉赤就係俾錢果下. 有朋友就生日wor~
叫我預支wor~ 咁我咪要俾兩個頭錢囉~~..
Post