URBAN Cafe (兆萬中心)

Open Now

Now Closed

今日去左兆萬中心 urban cafe, 本應滿心歡喜，睇到評論不是太差 ，儘管一試。首先，食物方面，我同阿女只係order 一個set, 另加一杯凍飲品，🐱cafe野食一直不大期望，只係順玩🐱咪，但杯凍飲不似凍飲，完全無冰。要餵🐱咪，一定要用完整個餐才可餵。這也不緊要，我哋亦很認同，但叫職員清理枱就等左10mins, 呢層都不緊要，最緊要係買糧，有乾、濕之分，因為阿女想用手餵，所以我哋買左乾糧，職員並沒有講解餵糧的分別，西囗西面放低就行左去，我哋就去餵🐱，無一隻食，之後我就同另一職員講，無一隻🐱食，可否加$換濕糧，佢話 no, 要重新買過，我哋就坐左無1hr就走，還有我留意到有兩、三隻貓溜鼻水，有1隻還打乞嚏，流左D分泌物係個學生妹件衫。最搞笑係我哋帶走D乾糧去餵流浪🐱，連流浪🐱都無興趣。總結：呢間野最差係職員，西囗西面，好似叫D人唔好入嚟幫襯 ， 老闆請到佢哋都死！唔想有其他人中伏，所以先寫 post。