JK Brother’s (Closed)

之前食過邊有得自己攞海鮮，仲有大頭蝦食，體驗幾好諗住母親節再帶屋企人去食多次。點知佢餐牌轉咗，冇得自己攞海鮮同熟食。我哋五個人去食，預設嘅材料都幾多，有10幾隻蒸生蠔，魚生同醬油蝦鮑魚等等，食材味道都可以分量夠大，但係相比以前熟食部份就減少咗好多，另外叫嘅豬肉同牛肉十分之薄，不過因為佢本身預備嘅食物都已經太充足，所以就算啲肉咁薄都可以當過吓口癮，其中我哋嗌咗部隊鍋湯底，入面已經有好多預設嘅嘢食，例如公仔麵午餐肉嗰啲，基本上淨係食佢個set入面嘅嘢已經夠飽有突。最後嗰度仲有得自己攞雪糕，仲有每人一盒Movenpick，雪糕櫃入面仲有好多種唔同味道嘅雪糕。雖然感覺冇之前咁好，下次都有可能會再去食嘅不過就再算啦。