老媽拌麵 (THE FOREST) (Closed)

去旺角行到攰攰地🛍,喺The Forest有間幾闊落嘅老媽拌麵🍜~佢除咗主打拌麵,仲有唔少湯麵,肉燥飯,同各式台式小食🥢~想清爽啲就揀咗個麻醬手撕雞🐔~雞肉份量好大,下面仲有好多青瓜絲🥒蘿蔔絲🥕,夠晒清爽~肉燥味道都好好,而且啲飯夠黏又唔笠🍚,如果肉燥可以再多啲就好~我自己一向最喜歡食牛肉麵🐮,佢嘅清燉有好清甜嘅湯底~肉係牛𦟌,味道香濃,但略嫌有啲牛羶味~而筋就超級正😋,勁大一塊,但成個都好腍好入味~呢兩款都係加咗30蚊配成餐,所以有埋前菜🍅,飲品🧋同埋甜品🍨~每款餐都仲可以加配台式小食,當然要食下香香雞啦🥡!佢嘅豆乳其實係腐乳,估唔到同熱辣辣又脆卜卜嘅炸雞咁夾👍~我哋仲點咗生菜清下腸胃🥬~佢嘅紅葱同埋蒜非常香🧄,簡單配埋豉油點生菜都好好食~飲品方面有幾款係包嘅,例如呢個金羅漢果海底椰🥥,有好香嘅羅漢果香~而我就鍾意水果茶🍵,佢嘅綠茶味道好出,配埋荔枝甜甜地好好味~平時唔多嚟呢個商場🛒~但原來入面嘅餐廳空間都幾大,而且味道都唔錯~