茶木‧台式休閒餐廳 (MegaBox) (Closed)

今日約咗朋友去MegaBox行街，突然好想吃台灣麵，見地下有茶木，而且都幾寬敞，一於回味下台灣嘅味道。見餐牌有新野推介，就叫兩款麵試試。麻辣牛腩拌麵($72）牛腩用花椒及鹵水燉到勁入味，加上少少辣椒🌶️吃落更野味，喜歡濃味嘅朋友就啱曬啦！除咗牛腩粒仲有半隻鹵水蛋🥚，少少流心。豬三寶拌麵($70)雖然係豬三寶，除有豬腸、豬腩片同豬耳外，仲有鴨血同鴨腎片，味道冇牛腩咁濃味，我就比較喜歡。兩碗都主打係自家手工麵，因為係粗麵，喜歡煙韌口感嘅就啱啦！御脆烏龍珍珠奶茶($43)奶茶顏色偏淡，茶味唔會太濃，珍珠都幾多，不過唔知點解癡住咗，要俾d耐性搞先得。😂紅棗枸杞桂圓生薑茶($42)唔喜歡太甜嘅朋友可以少甜，因為紅棗同桂圓都好夠味，飲完即刻覺得好滋潤。