你妳 (Closed)

疫情下無得飛，又好掛住台灣，唯有食咗當去咗，滿足吓心靈，止一止癮先！5號套餐 ($70)台灣牛肉麵+台式蛋餅 送 汽水或台式飲品台灣牛肉麵講到台灣嘢又點少得牛肉麵呢！湯底深啡色，夠熱，仲好香！牛肉肥瘦均等，帶有少少筋，肉質軟熟，筋位彈牙咬口，燜得夠入味，麵口感滑溜Q彈。台式蛋餅(可以揀1款口味：原味/芝士/玉米/肉鬆/芋泥)加$15可以加多一款餡料，揀咗芝士肉鬆，熱辣辣嘅芝士喺半溶狀態下真係好吸引！咬落去外層脆脆哋，入面煙煙韌韌，肉鬆香甜又有蛋香。白桃烏龍茶口感柔和，茶香中有淡淡嘅白桃香，味道清爽。