八方台式麵屋 (九龍城廣場)

Open Now

Now Closed

難得放假陪朋友去九龍城搵租盤, 行左好多間都真係好攰, 睇埋最後一間都成4點幾。又係要醫肚既時間, 我地去左九龍城廣場, 睇左幾間最後揀左 , 我同朋友都好中意飲茶, 加上太耐無得去台灣旅行, 唯有食住台式食物頂住先。餐廳係九龍城廣場UG電梯旁, 餐廳好光猛整齊, 我地要先去收銀處探熱及用搓手液再去點餐, 職員會為我們送餐的。水及紙巾有自助區可以取。雖然是小店, 見到職員會每次清理枱面後, 都會噴上清潔劑再抺。送食物時都會有講出食物名。好細心喎!台灣肉燥麵 (但我改為新竹米粉)肉燥唔似其他店是肉粒, 看上去似腩肉的迷你版, 每粒肉燥好有口感, 與米粉一齊食, 再配上汁, 味道好夾。米粉細滑, 建議一定要撈好晒先食, 令每啖充滿汁, 好味道大增。肉羹麵線呢碗係朋友推薦, 佢成日都食呀 ! 麵線好滑, 還有碗羹又飲得, 唔會太鹹, 仲有3大粒的肉丸, 同朋友一齊清晒成碗。黑糖珍珠鮮奶珍珠鮮奶好滑, 珍珠粒粒分明, 而且充滿甜味, 行到身水身汗, 飲一啖真係堅爽。南投桂花烏龍朋友好喜歡飲呢款, 茶香好滑, 飲完個口仲有淡淡茶香。茶包SIZE好大, 味道濃郁。而且好中意個樽, 又靚又硬身。台