奔之食堂 (Closed)

冇得飛台灣，唯有喺香港食台菜😭之前食過銅鑼灣店幾次，今次試下尖沙咀店，環境更寬敞，裝潢帶有古早味。原來呢間店係歌手龍小菌有份投資嘅。我哋幾個女仔咩都想試，叫到成枱都係！最後當然吃清光！特別鍾意呢度嘅小食蔥餅有少少似手抓餅，外皮微脆，咬落有韌度，入面包左牛𦟌、酸菜、青瓜，加埋甜麵醬，味道豐富。三寶麵包括牛腩、牛筋、牛肚，湯頭清爽唔會過鹹，有藥材香～牛腩鬆化無渣，麵條帶嚼勁。甜品當然要點芋圓！有雙色地瓜圓 (口感煙韌)、仙草、黑糖珍珠，我仲見到店員現場燜煮黑糖，珍珠Q彈，黑糖味好香濃。