Video
Read full review
2019-11-28
61 views
捱到11月尾終於開始有冬天既氣息，身為麻辣控又多個藉口食麻辣野刺激下啦🤤。呢兩年好流行成都既麻辣串串，之前行經旺角已經留意到呢間野，因為佢成個裝修都好繽紛，顏色好鬼搶眼，不過佢而家已經由單點轉左做任食，每人$128起，就決定入去試一試佢～～呢間既串串其實好正宗，做法同成都既冷鍋串串一模一樣，就係你自己揀想食既串串，佢再放係麻辣湯底到煮俾你，煮好之後再拎個碗浸住麻辣湯咁俾你食，而唔係好似打邊爐咁烚下烚下。而缺點係碗野會好快凍，因為就算你食第二第三轉佢都係將煮完既野拎出黎浸返落你上轉碗野到。好，講完食法，佢個湯底有分幾款辣度，因為小試牛刀就叫左小辣🌶。如果純粹為食辣應該會幾欣賞個湯底，因為味道好夠麻夠辣，越食越有勁，唔係求其浸辣椒油個隻。上網睇一睇資料，原來老闆係成都學過藝，香料係由成都直送過黎之外，仲有成都既秘製辣椒油係入面，百幾蚊任食黎講都算好有誠意啦。串串我大部分都係揀左素食，因為素食係比較夾冷鍋串串既，特別推介有：土豆片、蓮藕、豆乾、萵筍同黑木耳等等。全部都煮得透，而且又吸辣，好刺激😆🤪另外必叫既係雞珍同埋成都小香腸，係香港都係比較少見，值得一試。同埋不過其實呢啲串串係食幾多都唔夠
呢間既串串其實好正宗，做法同成都既冷鍋串串一模一樣，就係你自己揀想食既串串，佢再放係麻辣湯底到煮俾你，煮好之後再拎個碗浸住麻辣湯咁俾你食，而唔係好似打邊爐咁烚下烚下。而缺點係碗野會好快凍，因為就算你食第二第三轉佢都係將煮完既野拎出黎浸返落你上轉碗野到。
好，講完食法，佢個湯底有分幾款辣度，因為小試牛刀就叫左小辣🌶。如果純粹為食辣應該會幾欣賞個湯底，因為味道好夠麻夠辣，越食越有勁，唔係求其浸辣椒油個隻。上網睇一睇資料，原來老闆係成都學過藝，香料係由成都直送過黎之外，仲有成都既秘製辣椒油係入面，百幾蚊任食黎講都算好有誠意啦。
串串我大部分都係揀左素食，因為素食係比較夾冷鍋串串既，特別推介有：土豆片、蓮藕、豆乾、萵筍同黑木耳等等。全部都煮得透，而且又吸辣，好刺激😆🤪另外必叫既係雞珍同埋成都小香腸，係香港都係比較少見，值得一試。同埋不過其實呢啲串串係食幾多都唔夠飽既，餐廳都好貼心，除左串串之外，仲有小食同麵食一樣可以任食。小食我叫左蒜泥青瓜、棒棒雞、無骨鳳爪、鐘水餃同埋麻辣鴨血，大致都唔錯～個人比較喜歡無骨鳳爪，因為食得出隻辣味好香；而鐘水餃我係第一次食，佢個皮好薄，食落去係啖啖肉，肉味同辣味既濃度差唔多，唔會有一邊搶左風頭，可以一戰！但係好可惜無試埋佢地既粉麵就已經飽飽地，最後叫左冰粉黎個尾聲，下次有機會就唔食咁多小食，試下佢地既豬腸麵！
Post
