Nathanhouse (Closed)

成功轉到新工，男朋友話我咁叻女，梗係要請我食飯啦。新工係奧海城附近，於是男朋友就約我返新工嘅第一日係奧海城食晚餐。呢間餐廳好近地鐵站，一入到去見到環境亦相當唔錯，座位闊落，裝修典雅，以木色作為主要色調，甫一步入便感覺心情愉快。本身見到dinner set好抵，覺得頗為吸引，但後尾我地都係決定散叫，可以試多啲唔同嘢。我地嘅前菜係牛油果蟹肉餅，好欣賞佢啲蟹肉同牛油果都超足料，大大啖勁鮮甜，呢個crab cake+牛油果嘅組合都真係幾創新，正。欣賞佢個餅身薄薄地，唔會太漏。仲有個炸洋蔥圈，炸粉好薄脆，外脆內軟，同埋個醬汁酸酸辣辣，好開胃。男朋友order咗個黑蒜安格斯牛扒，牛味重，個黑蒜都好特別，平時都冇乜機會試到。其他蔬菜，譬如翠玉瓜同番茄仔，全部都好好食。我嘅主菜係卡邦尼意粉，菇類有好幾隻唔同種類，個蛋又流心得好完美，係匠心之作。侍應仲特登黎問洗唔洗要多啲芝士粉，好細心。飲品同甜品都一樣高質，果茶飲到有蘋果粒，甜品tiramisu更surprising，可可粉、蛋糕、朱古力醬同cream嘅比例係完美，仲有啲碎碎係面頭，麥香味濃，好好食！