Video
Read full review
2022-06-26
426 views
尖沙咀返工年代每周總有幾日幫襯，自轉戰其他地域已多年無重返舊地做坐上客。昨日經開見有啲時間會一會老店，可惜得「失望」。跟未裝修前食物質素相比簡直天同地。從前嘅牛丸確實彈牙有牛味，而家質素衰過求其搵間粉麵店。又唔想嘥食物唯有夾硬啃，最後用10分鐘完成埋單撇，就算幾想清都好，但無辦法真係入唔落口，結果都係食剩啲擺低。嗌埋時阿姐埋枱收錢，一路收一路話：咦！未食晒喎！點呀覺得我哋啲牛丸？我答：同以前比爭好遠，而家好難食。阿姐回應話無可能喎我哋個個客都讚好，我哋呢隻丸啲肉好滑㗎喎！我話係呀我之前尖沙咀返工經常嚟，根本都唔係從前質素，咬落腍bet bet一啲都唔彈。阿姐無出聲轉身去柜檯拎錢找，找錢時講咗句無呀去唔番以前你知唔知點解，以前粒粒係手打，而家全部機整，唔會再有手打喇！總括而言，質素低，汁咸，牛丸口感削，牛筋丸同牛丸差唔多，牛筋算叫做可以，但嗰手汁水味精太重手。翻看食評好多人讚好，究竟有無食過真正爽滑彈牙重肉味嘅牛丸！
又唔想嘥食物唯有夾硬啃，最後用10分鐘完成埋單撇，就算幾想清都好，但無辦法真係入唔落口，結果都係食剩啲擺低。嗌埋時阿姐埋枱收錢，一路收一路話：咦！未食晒喎！點呀覺得我哋啲牛丸？我答：同以前比爭好遠，而家好難食。阿姐回應話無可能喎我哋個個客都讚好，我哋呢隻丸啲肉好滑㗎喎！我話係呀我之前尖沙咀返工經常嚟，根本都唔係從前質素，咬落腍bet bet一啲都唔彈。阿姐無出聲轉身去柜檯拎錢找，找錢時講咗句無呀去唔番以前你知唔知點解，以前粒粒係手打，而家全部機整，唔會再有手打喇！
總括而言，質素低，汁咸，牛丸口感削，牛筋丸同牛丸差唔多，牛筋算叫做可以，但嗰手汁水味精太重手。
翻看食評好多人讚好，究竟有無食過真正爽滑彈牙重肉味嘅牛丸！
Post