清溪川韓國食堂 (Closed)

多謝清溪川韓國食堂賜我一個畢生難忘、與小強一齊共晉晚餐的晚上。話說我與久未見面的友人一齊到清溪川食飯，我地坐內廳，內廳當時滿座。食左一陣，大約9點半左右，我突然覺得下巴有點痕癢，友人發現有一隻長約三吋的小強飛左去我個下巴度！！！之後隻小強飛左落我地張枱，並係張枱上面爬黎爬去。當時所有內廳食客見證住呢一幕發生，友人和食客均受驚大叫。有位菲籍員工聽到叫聲，黎到我地張枱，徒手將小強拍打致死。小強死後，我地等左好耐，清溪川再無任何員工過黎跟進情況，包括道歉及清潔我地張枱，仿佛成件事只係幻覺，完全無發生過。我同友人都覺得係咁既環境下已再無胃口進食，於是同清溪川負責人（一個白頭髮操不純正廣東話口音既阿婆）講，呢餐飯我地食唔到落去，唔會俾錢。負責人由始至終都無道歉，只在一旁冷眼旁觀。我覺得負責人態度非常有問題，於是好意提醒佢希望可以改善店內衛生情況。點知負責人開始破口大罵，堅持自己鋪頭非常乾淨，小強出現只是意外。負責人態度惡劣，毫無反省檢討之心，鬧到中途更拂袖而去，不敢面對顧客的質詢。清溪川韓國食堂強調店內衛生情況良好，但事發後，竟然無一個員工諗起要清潔我地張枱，衛生水平之低劣更可見一斑。顧客出言提