祥仔辣辣 (海運大廈) (Closed)

平日12點一開門就去，無人，想坐窗口位，但話只招呼會員，唔知有最低消費定點，唔緊要，反正係試食物，唔係為個景叫左兩個午餐口水雞配飯，蒜泥白肉。自問平時都係食平民野，佢個雞好實，無辣味又無雞味，咬到牙軟，都真係食唔到，放棄左一半。白飯好行，米好差。蒜泥白肉有三片肥肉，半碟涼皮，以為辣但又係唔辣。另一個餐蔥爆牛肉配拉麵，蔥係多嘅，牛肉有五六片，但好多都係筋，好韌。所謂拉麵係大陸白麵，不過不失。整體來說，失望嘅，一心以為「名厨」開，又講到自己中意食辣所以開舖，點之差過一般小店。平心而論，二百幾蚊食咁質素係唔值，就算想一試都不建議，同層有更好選擇。