Rosie

Open Now

Now Closed

葵芳不嬲都多嘢食，特別係葵涌廣場，但估唔到原來葵芳邨樓下會有一間咁靚嘅CAFE，而且呢間CAFE夜晚收工都可以嚟到。✨法國黑松露蘑菇貓耳朵粉出面唔係好多地方會食到貓耳朵粉，食落好Q彈牙，再配黑松露蘑菇好creamy,好夾，上面更鋪滿幾片芝士帶出芝士嘅濃味。蝦多士及蒜香炒蘑菇點菜嘅時候加$20可以有兩件蝦多士，多士炸得好香口，上面更鋪有蒜蓉同辣椒，幾惹味。另外加$18 有蒜香炒蘑菇，唔錯，有好多款小食可以加錢試吓。✨香濃芝士卡邦尼亞扁意粉呢個卡邦尼亞意粉，同平時食開唔同，比較多蛋黃醬同芝士汁，反而食落唔會太膩，係唔錯嘅選擇。✨疏乎厘泡沫咖啡鍾意飲咖啡嘅我，呢杯個名咁特別，當然要試吓，一落枱賣相已經好靚，咖啡味好香，但如果再熱啲更加好。✨朱古力鮮奶（凍）飲落有好濃郁嘅朱古力，但又甜而不膩。總括嚟講，用親民嘅價錢就可以食到高檔嘅意大利pasta，睇得出佢好用心同認真整作，下次可以再試埋佢哋嘅甜品。