道頓堀御好燒專門店 (荃灣廣場) (Closed)

今日lunch 突然興起想食大阪燒之類，又突然醒起呢間野bookmark 左好耐而又無食過，所以見今日有時間就出黎試試了。因為係紅日，雖然係lunch 時間，但都好多人排隊，排左差唔多半個鐘，終於到我地了。我地被安排係最角落頭既位置，自成一角。因最低消費每人要$100, 而我地有兩個人，叫兩個御好燒又未夠$200, 所以另外再叫左碟牛舌。我地揀左芝士四重奏御好燒同埋道頓堀豪華7品。牛舌首先呈上，燒完好快食得，味道都唔錯。然後到重頭戲，御好燒！先將佢地搞勻後，直接倒落板到燒五分鐘，然後反轉再燒。其實餐廳內有教學點煮，所以大家都唔洗擔心。燒完後加上醬汁。搞掂！兩款都好好味，都推薦！