Video
Read full review
2018-01-04
9556 views
人真係好化學! 早排返阿媽屋企做冬時，仲見到隔離單位的陳生好神氣和我打招呼，估唔到隔咗個幾禮拜，佢就中咗風，被送到明愛醫院深切治療病房。昨晚陪阿媽和家姐到醫院探佢，見佢插晒喉，昏迷不醒，周身仲駁晒儀器，我哋嘅心情當堂 down 到一個點。明明見佢平日肥獅大隻、聲如洪鐘，依家見佢郁都唔郁，我哋望住陳太都唔知講咩好，只好連聲安慰，祝陳生早日康復!離開醫院之後，家姐話要提振一下大家，就帶我哋行去福榮街這間賣點不是環境裝修靚、也不是招呼服務好，而是吃真材實料廣東小炒的一間老店。果然，門面唔多討好。店內裝修殘舊。食客多是大叔。家姐大派定心丸地話，識食嘅人先至會識來呢道。樓面阿姐粒聲唔出放低個菜牌、一壺水。一盤筷子、杯和碗，同埋一張空白的寫菜紙就行咗去。家姐對住我打個眼色，示意這裡的特色是要客人自己嚟，洗杯、洗碗、洗筷子、斟水，甚至連寫菜都是自己嚟。我心諗，如果啲客人唔識寫字咪唔使食，又或者寫錯字咪大件事! 之不過，規矩就係規矩，想食好嘢就要乖乖地就範，動手寫菜單。【白果豬肚湯 $90】: 阿姐又是粒聲唔出捧來一個奶白色的豬肚湯。白果、豬肚、腐竹、黑胡椒，好足料，超好味!【香煎墨魚餅 $100】:
離開醫院之後，家姐話要提振一下大家，就帶我哋行去福榮街這間賣點不是環境裝修靚、也不是招呼服務好，而是吃真材實料廣東小炒的一間老店。
果然，門面唔多討好。
店內裝修殘舊。
食客多是大叔。
家姐大派定心丸地話，識食嘅人先至會識來呢道。
樓面阿姐粒聲唔出放低個菜牌、一壺水。一盤筷子、杯和碗，同埋一張空白的寫菜紙就行咗去。
家姐對住我打個眼色，示意這裡的特色是要客人自己嚟，洗杯、洗碗、洗筷子、斟水，甚至連寫菜都是自己嚟。我心諗，如果啲客人唔識寫字咪唔使食，又或者寫錯字咪大件事! 之不過，規矩就係規矩，想食好嘢就要乖乖地就範，動手寫菜單。
【白果豬肚湯 $90】: 阿姐又是粒聲唔出捧來一個奶白色的豬肚湯。白果、豬肚、腐竹、黑胡椒，好足料，超好味!
白果豬肚湯
$90
121 views
0 likes
0 comments
【香煎墨魚餅 $100】: 貨真價實十二塊，兩面煎成金黃色，可口又彈牙，點埋個醬汁，就無得輸。
香煎墨魚餅
$100
111 views
0 likes
0 comments
【蜆芥鯪魚球 $90】: 炸得非常香口，咬落原來仲有一粒原隻蝦米。加埋個蜆芥汁，真係一絕。
蜆芥鯪魚球
$90
98 views
0 likes
0 comments
【南乳一字骨 $90】: 雖然同菜牌上的照片有明顯出入，但係都好入味，炸得都好鬆化。
南乳一字骨
$90
57 views
0 likes
0 comments
【海鮮雜菜煲 $90】: 又是以材料取勝，最美味的是浸滿上湯的粉絲。
海鮮雜菜煲
$90
72 views
0 likes
0 comments
阿媽要食飯，老人家就係咁，所以叫多兩個靚仔一齊share。
埋單唔收加一，拎張單出去搵個哥哥仔俾錢就掂。
咁多嘢食都只係四百八，平均每人都只係百二蚊，小數目，我請啦!
Post
