Video
Read full review
2019-12-14
234 views
星期日同友人尖沙咀食晚飯，去咗韓國街睇吓邊間餐廳好食。行到其中一間，有位韓國人好有heart咁向我哋推介佢間餐廳，仲話呢間呢間同對面馬路嗰間都係佢哋嘅，最後我哋決定入咗Maido呢間食。入左餐廳後，我哋安排坐近門口位。餐廳唔算多人，大概坐了8成人。天氣凍凍地，我哋叫咗鐵板牛肉蓋飯+韓式芝士辣炒雞。有前菜，大豆芽，泡菜，西蘭花，可以邊食邊等主菜。每人仲有一小碟沙律，不過沙律菜有點苦，我就沒有再吃了。我哋坐低點菜後冇耐，有一對疑似A B C的俊男美女入咗餐廳，坐係我哋對面。佢哋點菜冇耐，就好快上菜，仲快過我地囉。我地首先到係鐵板牛肉蓋飯，份量都唔少，翠玉瓜蘿蔔等菜菜都爽甜，牛肉都重牛味，送飯一流，只係明明係鐵板，點解唔熱既？頂盡係溫。唔通碟餸係對面餐廳煮完送過嚟，要經過馬路受到寒風吹襲，以致上枱已經涼左？其實個蓋飯都幾好味，如果係熱啲嘅話。然後到期待已久嘅韓式芝士辣炒雞，點知一到望住已經呆左，想像中的辣炒雞醬汁係稠身嘅，但個汁好稀似俾啲辣水浸住咁，仲要係鯨油！！大佬呀，佢都係用鐵板裝住㗎..點解會鯨油架？係唔係用錯咗炒雪糕個鐵板啊？佢個芝士份量係多嘅，覆蓋整碟野，不過pat芝士係溶咗之後再
入左餐廳後，我哋安排坐近門口位。餐廳唔算多人，大概坐了8成人。天氣凍凍地，我哋叫咗鐵板牛肉蓋飯+韓式芝士辣炒雞。有前菜，大豆芽，泡菜，西蘭花，可以邊食邊等主菜。每人仲有一小碟沙律，不過沙律菜有點苦，我就沒有再吃了。
我哋坐低點菜後冇耐，有一對疑似A B C的俊男美女入咗餐廳，坐係我哋對面。佢哋點菜冇耐，就好快上菜，仲快過我地囉。
我地首先到係鐵板牛肉蓋飯，份量都唔少，翠玉瓜蘿蔔等菜菜都爽甜，牛肉都重牛味，送飯一流，只係明明係鐵板，點解唔熱既？頂盡係溫。唔通碟餸係對面餐廳煮完送過嚟，要經過馬路受到寒風吹襲，以致上枱已經涼左？其實個蓋飯都幾好味，如果係熱啲嘅話。
然後到期待已久嘅韓式芝士辣炒雞，點知一到望住已經呆左，想像中的辣炒雞醬汁係稠身嘅，但個汁好稀似俾啲辣水浸住咁，仲要係鯨油！！大佬呀，佢都係用鐵板裝住㗎..點解會鯨油架？係唔係用錯咗炒雪糕個鐵板啊？佢個芝士份量係多嘅，覆蓋整碟野，不過pat芝士係溶咗之後再攤凍硬左。好啦我夾黎食啦...但佢啲雞肉蔬菜都俾Pat芝士漿住成為芝士辣炒雞”蛋餅”，夾唔到一粒雞肉或者一片蔬菜，可以夾起成大塊餅啲雞肉蔬菜好穩陣唔會跌翻落嚟，味道方面唔係難食，不過唔惹味同完全唔辣。
(強調一點，一上菜我地已經即刻起筷)
明明大家都係叫鐵板，點解...我冇帶眼鏡有近視散光都見到對面枱碟野仲出煙...我哋嗰啲冇煙不特止仲要鯨油..靚仔真係大晒？靚仔就可以食熱野？食食下...直到頭先係對馬路向我哋推介佢間餐廳嗰位韓國人入嚟同對面台靚仔講韓文...跟住有位阿豬媽係餐廳入面行出嚟企起身握哂手同佢地打招呼...我就終於明白點解中間幾次我地叫店員都會serve咗對面台客先...原來有關係嘅!
食完鐵板同辣野都冇暖到，食完手腳冰冷咁走。對面枱就好啦，識人又靚仔又可以食熱野。
Post
