燒烤堂 (Moved) New Location

間唔中想食燒烤野，但又唔想自己燒😂，就黎依間食下😂😆。🤩焦糖青蘋果鵝肝多士平時就好少食到鵝肝，依到竟然有🤩。入口第一下好軟好油好滑口，會感覺好好食咁，但又形容唔到會係咩。咬多幾啖之後百味雜陳，可能有焦糖又有青蘋果加埋鵝肝本身油脂，好多種味道🤣好特別。🤩牛仔骨一個拼盤咁，可以用菜包住食，牛烹調得唔錯，唔會有蘇味，軟硬適中，我覺得ok既🤩蜜糖雞中翼＆玫瑰紅腸紅腸燒好肥好大隻，唔會話好細唔熟唔夠食。雞中翼都係，燒到金黃，加埋蜜糖，中規中矩既😆🤩汁燒豚肉金菇卷卷埋既料都夾到，但真係要趁熱食，凍左味道差好多。🤩翠玉瓜好厚身既瓜😂🤣味道淡淡地，唔會重口，我就加左辣粉食，覺得更好味😂🤩牛油蒜茸焗金菇個人好中意依個，蒜茸啱啱好，唔會話成口蒜😂金菇冇草味👍🏻，我地好快就食哂啦。