一本日式蛋包飯

Open Now

Now Closed

當晚係政府首次實施晚市禁堂食。我同男朋友放工後，出咗旺角行街，又要諗食咩外賣好，而且旺角區可以俾市民食外賣嘅公園唔多。於是我地靈機一觸，就去咗大角咀某大型商場搵食喇。由於街上真係超熱，我地行到身水身汗先去到大角咀。然後喺商場行咗陣抖吓涼先去大食代搵食。去到一間蛋包飯店前面，呢間店我好耐之前都幫襯過，當然嗰陣係堂食啦。於是乎就買咗兩份日式鰻魚雞扒蛋包飯啦，好似仲有八折優惠添。雖然話係外賣，但係份量都幾夠，鰻魚算大件，蛋又好滑，仲有幾舊雞扒。疫情過後，再去幫襯堂食吧！