Video
Read full review
2020-10-24
1203 views
女朋友話掛住日本和牛，但今年疫情關係冇得去旅行，唯有喺香港搵下有冇高質和牛食下我地去日本係食和牛放題嘅～每人埋單港幣$1500左右～所以我今次都預左相應價錢去食因為即興關係仲要係星期六😂打去訂枱都話full曬又唔想食冇乜誠意嘅X角女朋友失望之際，俾我搵到呢間喺大圍嘅616即管打去訂枱！又真係有wo！於是就即刻揸車出發入大圍諗住一路搵下位泊車又睇下有冇咩好行因為我咁大個仔都未入過呢頭😂（屯門牛一隻）點知出到去發現又冇嘢行又難搵位泊車🙈結果就去咗玩自助洗車消磨時間😂都咁上下時間夠鐘去食嘢，喺門口望已經覺得餐廳裝修幾靚，入到去頭頂會有啲假花吊落嚟一入門口右手邊又會有啲dried age櫃望落都似模似樣落單係用iPad落嘅，食物價錢唔算好貴咁我哋就乜嘢都叫啲黎試吓小食叫左個唔知咩魚皮，凍食嘅，爽爽脆脆少少辣幾惹味😂相信係用鯇魚皮整嘅～我覺得送啤酒一流！肉方面就叫左三角肩、日和肉眼上蓋、澳和肉眼上蓋、牛舌心、澳和橫隔膜、牛肋肉等～個人覺得日和肉眼上蓋值得再叫，油花好靚好均勻輕輕燒兩邊就食得～入口即溶果種感覺真係似去左日本🇯🇵唯一唔同嘅就係冇專人建議你食呢個部位用邊種醬料配搭係最好～而另外幾驚喜嘅
我地去日本係食和牛放題嘅～
每人埋單港幣$1500左右～
所以我今次都預左相應價錢去食
因為即興關係仲要係星期六😂
打去訂枱都話full曬
又唔想食冇乜誠意嘅X角
女朋友失望之際，俾我搵到呢間喺大圍嘅616
即管打去訂枱！又真係有wo！
於是就即刻揸車出發入大圍
諗住一路搵下位泊車又睇下有冇咩好行
因為我咁大個仔都未入過呢頭😂（屯門牛一隻）
點知出到去發現又冇嘢行又難搵位泊車🙈
結果就去咗玩自助洗車消磨時間😂
都咁上下時間夠鐘去食嘢，喺門口望已經覺得餐廳裝修幾靚，入到去頭頂會有啲假花吊落嚟
一入門口右手邊又會有啲dried age櫃
望落都似模似樣
落單係用iPad落嘅，食物價錢唔算好貴
咁我哋就乜嘢都叫啲黎試吓
小食叫左個唔知咩魚皮，凍食嘅，爽爽脆脆少少辣幾惹味😂相信係用鯇魚皮整嘅～我覺得送啤酒一流！
肉方面就叫左三角肩、日和肉眼上蓋、澳和肉眼上蓋、牛舌心、澳和橫隔膜、牛肋肉等～
個人覺得日和肉眼上蓋值得再叫，油花好靚好均勻
輕輕燒兩邊就食得～入口即溶果種感覺真係似去左日本🇯🇵
唯一唔同嘅就係冇專人建議你食呢個部位用邊種醬料配搭係最好～
而另外幾驚喜嘅係牛舌心，之前去日本冇食到呢個位
又幾爽口同埋唔會「un」，牛味又香濃，好正！
整體黎講，食物質素唔錯，兩個人食飽飽埋單都係二千左右😂平過喺日本食和牛放題！
Post
