燒肉臻 (Closed)

返工咁大壓力，出咗糧當然要食靚肉獎勵下自己。呢間燒肉臻之前都食過一次，質素相當高，絕對係放題餐廳不能媲美的。值得一提嘅係呢度有個清酒任飲，十幾種清酒都係任飲，飲夠酒，點汽水都得，一個價錢都係任飲牛肉盛合和人覺得係必叫嘅，肉眼可見，油香層層遞進，由牛舌食到最肥嘅牛腩。個人最鍾意今次嘅牛三角，好嫩滑好有油香👍夾住喺個爐上面車兩車就食得大大塊牛頸脊，上面嘅大理石紋路打卡都癮死人，同樣都係每邊車幾秒就食得。呢塊都係好值得推薦，因為佢油脂同埋肉係好平均，唔會話淨係成口油，但又提供到個嫩滑感除咗食牛，豬雞海鮮都唔少得明太子雞翼可以一路擺爐邊慢燒，基本上燒完牛之後就啱啱好食得，唔洗怕一路等d野熟未豚肉卷就係包泡菜嘅，要燒到佢定形就可以移除竹簽。食咗咁多肥美嘅肉，中間嘅泡菜顯得好清新開胃👍豬大腸個人本身就鍾意食，但平心而論係幾肥嘅，燒一陣就出幾多油。我地鍾意燒耐少少，等到出面帶焦脆，入面好肥美軟身。海鮮就統一交曬畀師傅處理，坐住等食就得鮑魚沾嗰個柚子醬冇得輸，簡單嘅調味就可以襯托鮑魚嘅鮮帆立貝用牛油燒，燒完嘅汁都忍唔住飲曬總結：依舊滿意，個爐好夠火力，野食又高質，環境幾好，門口竟然仲有locker畀我