Pizza-Box (廟東街) (Closed)

今晚同女朋友都想食PIZZA，但又想舒舒服服安坐家中，所以就第一次試PIZZA BOX 外賣自取，預訂左六點半取餐，我六點三到去到取餐，返到屋企食物仲熱熱地。兩個人我地點左超級多寶PIZZA，厚批底，都幾多料，青椒、洋蒽、腸仔、牛肉、火腿、菠蘿配上茄汁，好惹味，但略嫌味精重了一點，吃了很快口渴。巴辣雞粒炸得非常香口、微辣加上脆脆口感，絕對係下次再食既首選。卡邦尼意粉， 忌廉份量足，味道偏濃，喜歡濃味既朋友相當合適，整體來說味道非常不錯，而且加上外賣自取65折優惠，三樣野加埋只是161蚊，食到捧住個肚，非常抵食，值得一試再試。